Advertisement

சி.பி.ஐ., சோதனை: முதல்வருக்கு நெருக்கடி

அமைச்சர் விஜயபாஸ்கர் வீட்டில், சி.பி.ஐ., சோதனை நடத்தியதை தொடர்ந்து, அவரை நீக்க வலியுறுத்தி, முதல்வருக்கு பல்வேறு தரப்பினரும், நெருக்கடி கொடுத்து வருகின்றனர். அமைச்சர் பதவியிலிருந்து விலக, விஜயபாஸ்கர் மறுத்து வருவதால், முதல்வர் தவித்து வருகிறார்.


தேர்தல் ரத்து :



தமிழக சுகாதார துறை அமைச்சராக இருப்பவர், விஜயபாஸ்கர். இவர், 2013ல், எம்.எல்.ஏ.,வாக இருந்த போது, சட்டசபையில், கருணாநிதி உள்ளிட்ட எதிர்க்கட்சியினரை, கடுமையாக விமர்சித்து பேசினார். அவரது பேச்சு, அப்போதைய முதல்வர், ஜெயலலிதாவை பெரிதும் கவர்ந்தது.அதைத் தொடர்ந்து, விஜயபாஸ்கரை அமைச்சராக்கினார். தொடர்ந்து, சுகாதார துறை அமைச்சராக இருந்து வருகிறார். இந்த துறையில், பல புதிய திட்டங்களை அறிமுகப்படுத்தி, வேகமாக செயல்படுத்தி வருகிறார்.ஜெயலலிதா மறைவுக்கு பின், அவர் மீது பல்வேறு குற்றச்சாட்டுகளை, எதிர்க்கட்சிகள் கிளப்பின. சசிகலா குடும்பத்திற்கு உறுதுணையாக இருந்த
விஜயபாஸ்கர், கூவத்துாரில், எம்.எல்.ஏ.,க்களை தக்கவைக்க, பெரிதும் உதவியாக இருந்தார்.முதல்வர் பழனிசாமியும், தினகரனும் இணைந்து செயல்பட்ட நேரத்தில், சென்னை, ஆர்.கே.நகர் இடைத்தேர்தல் வந்தது. அப்போது, தினகரன் போட்டியிட்டார். தேர்தல் பொறுப்பாளராக, விஜயபாஸ்கர் தான் பணியாற்றினார். அப்போது நடந்த பணப் பட்டுவாடா காரணமாக, தேர்தல்ரத்து செய்யப்பட்டது.


லஞ்ச புகார் :



இதையடுத்து, வருமான வரித்துறை அதிகாரிகள், விஜயபாஸ்கர் வீட்டில் சோதனை நடத்தினர்.அப்போது, வாக்காளர்களுக்கு பணம் பட்டுவாடா செய்வது தொடர்பாக, அவர் எழுதி வைத்திருந்த ஆவணங்கள் சிக்கின. அதைத் தொடர்ந்து, 'அவர், அமைச்சர் பதவியிலிருந்து விலக வேண்டும்' என, எதிர்க்கட்சிகள் வலியுறுத்தின; ஆனால், அவர் கண்டுகொள்ளவில்லை.அதன்பின், தமிழக அரசால் தடை செய்யப்பட்ட, 'குட்கா' போதை பொருளை விற்பனை செய்ய, அமைச்சர் விஜயபாஸ்கர் மற்றும் போலீஸ் அதிகாரிகளுக்கு, குட்கா வியாபாரிகள், லஞ்சம் கொடுத்ததாக புகார் எழுந்தது. அப்போதும், விஜய பாஸ்கர் ராஜினாமா செய்ய முன்வரவில்லை.இந்நிலையில், குட்கா வழக்கு, நீதிமன்ற உத்தர வின்படி, சி.பி.ஐ.,க்கு மாற்றப்பட்டது. இரு தினங்களுக்கு முன், சி.பி.ஐ.,அதிகாரிகள், குட்கா வழக்கு தொடர்பாக, அமைச்சர் விஜயபாஸ்கர், டி.ஜி.பி., ராஜேந்திரன், சென்னை மாநகர முன்னாள் போலீஸ் கமிஷனர் ஜார்ஜ், முன்னாள் அமைச்சர் ரமணா மற்றும் அதிகாரிகள் வீடுகளில், திடீர் சோதனை நடத்தினர்.பதவியில் இருக்கும் அமைச்சர்
வீட்டில், வருமான வரித்துறை அதிகாரிகள், சி.பி.ஐ., அதிகாரிகள் என, அடுத்தடுத்து சோதனை நடத்தியது, அரசுக்கு சிக்கலை ஏற்படுத்தி உள்ளது. 'குற்றச்சாட்டுகளுக்கு உள்ளான, அமைச்சர் விஜயபாஸ்கர், தன் பதவியை ராஜினாமா செய்ய வேண்டும். இல்லையெனில், அமைச்சர் பதவியிலிருந்து, முதல்வர் நீக்க வேண்டும்' என, எதிர்க்கட்சிகள் போர்க்கொடி துாக்கியுள்ளன.


தவிப்பு :



சமூக வலைதளங்களிலும், அவருக்கு எதிராக, மக்கள் கருத்துகளை பதிவிட்டு வருகின்றனர். 'அரசுக்கும், கட்சிக்கும் கெட்டப் பெயர் ஏற்படுவதால், விஜயபாஸ்கரை நீக்குங்கள்' என, சக அமைச்சர்களும், முதல்வரிடம் வலியுறுத்தி உள்ளனர். அனைத்து தரப்பிலிருந்தும் நெருக்கடி வருவதால், அவரை பதவி விலகும்படி, முதல்வர் கூறியுள்ளார். ஆனால், அவரோ மறுத்துள்ளார். இப்பிரச்னையில், அடுத்து என்ன முடிவெடுப்பது என தெரியாமல், முதல்வர் தவித்து வருவதாக கூறப்படுகிறது.
- நமது நிருபர் -
Advertisement
 

வாசகர் கருத்து (17)

  • ஜெய்ஹிந்த்புரம் - மதுரை,இந்தியா

    //சமூக வலைதளங்களிலும், அவருக்கு எதிராக, மக்கள் கருத்துகளை பதிவிட்டு வருகின்றனர்// அவ்வளவு திமிராகி விட்டதா மக்களுக்கு. கிரிஜாவிடம் சொல்லி என்கவுண்டர் பண்ண வைக்கலாமே.. போலீசை விட்டு எல்லாரையும் தூக்கி தேசத்துரோக வழக்கு போட்டு நொங்கு எடுக்கலாம்.. அமைச்சர் பொன்வண்டுவை விட்டு சமூக விரோதிகள் எக்கச்சக்கம் ஆகி விட்டார்கள் என்று சொல்ல சொல்லலாமே?. எச் ராஜாவை விட்டு எல்லாரையும் விபசாரிகளின் பிள்ளைகள் என்று விஷம் கக்க வைக்கலாமே.?. தமிழிம்சையை விட்டு எல்லோருடைய பின்புலத்தையும் பூதக்கண்ணாடி வெச்சி பாக்க சொல்லலாமே? மணல் கொள்ளையர்களை விட்டு லாரி ஏத்தி கொல்ல சொல்லலாமே? எல்லாத்தையும் விட சுலபமா ஒண்ணு செய்யலாம்.. .

  • R Sanjay - Chennai,இந்தியா

    விஜயபாஸ்கரை நீக்கினால் இந்த அரசே காணாமல் போய் விடும் இங்கு இருப்பவர்கள் அனைவருமே ஊழல் குற்றவாளிகள். மத்திய பிஜேபி அரசு இந்த ஆட்சியை கலைக்காதவரை இந்த அரசாங்கத்தில் யாருடைய பவரையும் யாரும் புடுங்க முடியாது எங்கும் ஊழல் மழை தான்.

  • பாமரன் - நம்மூர்தான்,இந்தியா

    இப்போது தான் வருமான வரி சிபிபிபீ சோதனை முடிஞ்சிருக்கு...??? இதுக்கு பயந்து கல்லா கட்டினால் சேகர் ரெட்டி ராம் மோகன் ராவ் பெல்லாரி ரெட்டி அன் கோ மாதிரி கண்டுக்காம விடப்படும். இல்லைன்னா அமலாக்க துறை சோதனை ரத்த வங்கி சோதனைMRI scan சோதனை மாதிரி நிறைய அயிட்டங்கள் இருக்கிறது... சீக்கிரம் முடிவு பண்ணிக்கோங்க...

  • tamil - coonoor,இந்தியா

    எவ்வளவு நெருக்கடி வந்தாலும் பதவி விலகும் பேச்சே கிடையாது, இருக்க இருக்க இன்பம் இறுதி வரை இன்பம் அது தான் தொடரும்

  • ஆரூர் ரங் - சென்னை ,இந்தியா

    ரொம்ப நெருக்கடி கொடுப்பதும் ஆபத்து, ஆட்சியிழக்கும் பயத்தில் இன்னும் வேகவேகமா திருடுவாங்க. திமுகவுக்கு கட்டிங் கொடுத்து சமாளிக்கமுடியல . எவ்வள்வு கொடுத்தாலும் போதாதுன்னு சண்டை வேற

  • PR Makudeswaran - Madras,இந்தியா

    தமிழக அரசியலில் நல்லவர் யார். எல்லோரும் திருடர்கள்.

  • Srinivasan Kannaiya - muscat ,ஓமன்

    அதெல்லாம் சுக்கு கஷாயம் குடித்து விடுவார்கள்..

  • rajan. - kerala,இந்தியா

    ஏம்பா என்னிக்கு ஒண்ணா கூடி கூவத்தூர் கும்மி அடிச்சேங்களோ அன்னிக்கே நீங்க அத்தனை பேருமே ஆட்டைய போடு கட்டிங் வாங்க அலையுற கூட்டம் என்பது உறுதி ஆகி விட்டது. இப்போ இன்னும் ஏன் பதவியை புடிச்சுகிட்டு இருக்கீங்கன்னா இருக்கிற சொத்து பத்துக்களை பாதுகாக்க தான் என்பது உலகறிந்த விஷயம். சீக்கிரமா ஏர காட்டுங்க ஆட்டைய போட்டது எல்லாம் போதும் போ போ.

  • Amirthalingam Sinniah - toronto,கனடா

    மனுநீதிகண்ட சோழன் ஆட்சியில் இப்படியான குறைகள் வரும்போது,வருத்தபடாமல் இருக்கலாமென்றால் அரசியல்வாதிகள் விடுகிறார்களில்லை.

  • ஆப்பு -

    சி.பி.ஐ ரெய்டும், நம்ம தொப்பை போலீஸ் ரெய்டும் ஒண்ணுதான். குற்றத்தை யாராலயும் நிரூபிக்க முடியாது. நிரூபிச்சு உள்ளே தள்ளுங்க முதல்லே....

  • Kasimani Baskaran - Singapore,சிங்கப்பூர்

    தாங்கவே விலகி விசாரணையை எதிர்நோக்கினால் நல்லது... இல்லை என்றால் விலக்கத்தான் வேண்டும்... வேறு வழி கிடையாது...

  • Mani . V - Singapore,சிங்கப்பூர்

    என்ன நடந்தாலும் எனக்கென்ன? நானும் என் சம்பந்தியும் வளப்பமாகவே இருக்கிறோம். பதவி போனாலும் கவலையில்லை. பல தலைமுறைக்கு சொத்து இருக்கிறது.

  • அன்பு - தஞ்சை,இந்தியா

    தூத்துக்குடியில் பதிமூன்று பேரை போட்டு தள்ளினார்கள். சேலம் எட்டுவழி சாலைக்காக மக்களின் நிலங்களை பறித்தார்கள். இதற்காக ஏற்பட்ட கெட்டபெயரை விடவா, இப்போது ஏற்பட்டு விட்டது. குட்கா பழனியின் தலையில் சூட்டப்பட்ட மற்றொரு மகுடம். விஜயபாஸ்கரை தூக்குவதால், பழனி புனிதமாகிவிட போவதில்லை.

  • கும்புடுறேன் சாமி - பன்னிமடை கோவை,இந்தியா

    நெருக்கடி ஏன்னா அ தி மு க காரங்க வெகுளிக, அப்பாவிக, சூது வாது இல்லாத யதார்த்த வாதிக விஞ்ஞான ஊழல் பண்ண தெரியாது உழல ரொம்ப நேர்மையா அப்பட்டமா எல்லாருக்கும் தெரியிற மாதிரி வெளிப்படையா பண்ணி மாட்டிக்குவாங்க.

கருத்தைப் பதிவு செய்ய

Advertisement