Advertisement

யானைகளுக்கு மோப்ப சக்தி உண்டா?

துதிக்கையை வைத்து யானைகளால் சுவாசிக்கவும், தகவல் பரிமாறவும், கனரகப் பொருட்களை துாக்கவும் முடியும். தென்னாப்ரிக்காவிலுள்ள பெல்லா பெல்லா யானைகள் காப்பகத்தில், விஞ்ஞானிகள், யானைகளின் மோப்ப சக்திக்கு துதிக்கை உதவுகிறதா என்பதை கண்டறிய முயன்றனர்.
யானைகள் உண்ணும், 11 வகை செடி, கொடிகளை மறைத்து வைத்தனர் விஞ்ஞானிகள். அந்த செடிகளில், 6 செடிகள் யானைகளுக்கு பிடித்தவை. மீதி, 5 செடிகள், அவ்வளவாகப் பிடிக்காதவை.
சோதனையின்போது, மூடப்பட்ட ஒரு பாத்திரத்தில் யானைகளுக்குப் பிடித்த செடிகளும் மறு பாத்திரத்தில் அவ்வளவாகப் பிடிக்காத செடிகளும் இருந்தன. யானைகள், தங்கள் துதிக்கையால் மோப்பம் பார்த்து, சரியாக, பிடித்த செடிகளையே எடுத்து அசைபோட ஆரம்பித்தன. இதிலிருந்து யானைகள், தும்பிக்கையை உணவு தேடவும் பயன்படுத்துகின்றன என்பதை ஆய்வாளர்கள் உறுதி செய்தனர்.
இந்த ஆய்வின் முடிவு, 'அனிமல் பிஹேவியர்' இதழில் வெளியாகியுள்ளது.
Advertisement
 

வாசகர் கருத்து

    முதல் நபராக கருத்து தெரிவியுங்கள்!

கருத்தைப் பதிவு செய்ய

Advertisement