Advertisement

முன்கூட்டியே முடிகிறதா பார்லி., கூட்டத்தொடர்?

முட்டுக்கட்டை விலகி, அலுவல்கள் சுமுகமாக தொடர்வதற்கான அறிகுறிகள் தென்படாததால், திட்டமிட்ட தேதிக்கு முன்பே, பார்லிமென்ட் பட்ஜெட் கூட்டத்தொடர் முடிய வாய்ப்பு உள்ளதாக, தகவல் வெளியாகி உள்ளது.

பட்ஜெட் கூட்டத்தொடரின் இரண்டாம் அமர்வுக்காக, 5ம் தேதி, பார்லி., கூடியது. ஆனால்,
கடந்த வாரம் முழுவதும், சபை கூடுவதும், ஒத்தி வைப்பதுமாக காட்சிகள் இருந்தன.
பஞ்சாப் நேஷனல் வங்கி மோசடி பிரச்னைக்காக, காங்கிரசும், திரிணமுலும் இணைந்து
அமளியில் ஈடுபடுகின்றன. இருப்பினும், பல்வேறு மாநில கட்சிகளின் ஆவேசம் தான், இரு சபைகளிலும் அதிகமாக உள்ளது.


மாநில சிறப்பு அந்தஸ்து கோரி, ஆந்திர, எம்.பி.,க்களும், காவிரி பிரச்னைக்காக தமிழக, எம்.பி.,க்களும், அமளியில் ஈடுபடுகின்றனர்.வார விடுமுறைக்கு

பின், நேற்று, பார்லி., மீண்டும் கூடிய போதும், காட்சிகள் மாறவில்லை. ஆர்ப்பாட்டம், அமளி என தொடரவே, லோக்சபாவும், ராஜ்யசபாவும் ஒத்தி வைக்கப்பட்டன.


இது போன்ற தொடர் அமளி இருந்தால், பிரச்னைக்கு தீர்வு காண, அரசு தரப்பும், எதிர்க்கட்சி தரப்பும், திரைமறைவில் முயற்சிகள் மேற்கொள்வது வழக்கம். ஆனால், அதுபோன்ற எந்த முயற்சிகளுடன், எதிர்க்கட்சிகளை, அரசு தரப்பு இதுவரை அணுகவில்லை. எதிர்க்கட்சிகளின் பிடிவாதமும் தொடர்வதால், சுமுகமான முடிவு எட்டப்படுவதற்கான அறிகுறி தென்படவில்லை.


இதனால், 'சமாதான முயற்சிகளில் இறங்காமல், முடிந்த வரை, குரல் ஓட்டெடுப்பு மூலமே, நிதி மசோதாவை நிறைவேற்றி, முக்கிய மசோதாக்களுக்கு அவசர சட்டம் பிறப்பிக்கலாமா' என்ற யோசனை, பா.ஜ.,வுக்கு எழுந்துள்ளது.


திட்டமிடப்பட்ட அட்டவணையின்படி, ஏப்., 6 வரை நடத்த வேண்டும். ஆனால், அமளி காரணமாக, முன்கூட்டியே, கூட்டத்தொடரை முடித்துக் கொள்வதற்கான வாய்ப்பு கள் அதிகம் உள்ளதாக, அரசியல் வட்டாரங்கள் தெரிவிக்கின்றன.


தமிழக எம்.பி.,க்கள், 'உள்ளே வெளியே' அ.தி.மு.க., - எம்.பி.,க்கள், ஆறாவது நாளாக நேற்றும், ஆர்ப்பாட்டத்தில் இறங்கினர். நிருபர்களிடம் பேசிய, பார்லிமென்ட், அ.தி.மு.க., குழு தலைவர், வேணுகோபால், ''சுப்ரீம் கோர்ட் தீர்ப்பை மதிக்கும் வகையில், மேலாண்மை வாரியம் அமைக்க வேண்டும். மத்திய அரசு, நியாயம் தவறுமானால், எங்கள் போராட்டம் மேலும் அதிகரிக்கும்,'' என்றார். இவர்களுடன், ஒரே ஒரு நாள் மட்டும் இணைந்து, கோஷங்கள் எழுப்பிய, தி.மு.க., - எம்.பி.,க்கள், அதன்பின், காந்தி சிலைக்கு வருவதில்லை. தினமும், சபைக்குள் மட்டும், அமளியில் இணைந்து கொள்கின்றனர்.

- நமது டில்லி நிருபர் -

Download for free from the Store »

Advertisement
 

வாசகர் கருத்து (13)

  • ஆப்பு -

    அமளியில் ஈடுபட்டவர்களுக்கு சம்பளம் கட்டுன்னு குடியரசுத் தலிவர் அறிவிச்சா நல்லது...

  • r.sundaram - tirunelveli,இந்தியா

    சீக்கிரமே முடியுங்கள். மக்களின் வரிப்பணமாவது மிச்சப்படும்.

  • V Gopalan - Bangalore ,இந்தியா

    TV tele due to Parliament pandominium, a sum of Rs.65,52,000 loss, who will pay? Yes, common man will bear the brunt of loss through GST for urinal, tea et all. In case, Speaker announces the slary, perks for LS/RS Mps will be increase at par with President/Vice-President and Justicss one has to view the faces of MPs. The poor country has such kind of MPs. Yes, if this kind of democracy continued to be there, certainly, a revolution will be flared up like Egypt/Libya/Syria which the MPs should take a note of it.

  • balakrishnan - coimbatore,இந்தியா

    இது தான் இந்தியாவின் ஜனநாயகம், ஜனநாயகத்தின் மீது யாருக்கும் அக்கறை இல்லை, நம்மை ஆளுபவர்கள், நமது மக்கள் பிரதிநிதிகள் லட்சணத்தை பார்த்து நாம் தான் நொந்துகொள்ள வேண்டும்

  • Srinivasan Kannaiya - muscat ,ஓமன்

    அராஜகமான முறையில் இருந்தால் முடிக்கிறது நல்லது... பஞ்சபடியாகிலும் மிச்சப்படும்...

  • தங்கை ராஜா - tcmtnland,இந்தியா

    மனித நேயமோ ஜனநாயக நெறிமுறைகளில் நம்பிக்கையோ இல்லாதவர்கள் இப்போதைய ஆட்சியாளர்கள். பிச்சை போடுவது கூட பாத்திரம் அறிந்து இட வேண்டும் என்று முன்னோர்கள் சொன்ன அறிவுரையை புரிந்து கொள்ள முடியாத இன்றைய சமூகம் பசப்பு வார்த்தைகளுக்கும் ஆவேச உரைகளுக்கும் மயங்கி தவறானவர்களை தங்கள் தலைவர்களாக வரித்துக் கொள்வதன் விளைவு இருக்கும் உரிமையைக் கூட இழந்து நிற்க வேண்டிய நிலை.

  • skv(srinivasankrishnaveni) - Bangalore,இந்தியா

    அவை நடக்காமல் இருக்கணும்னுதானே எதிரிகச்சிக்கள் அழிச்சாட்டியம் செய்ரதுகள் , இதற்கெல்லாம் முடிவு மக்கள் கைலேதான் இருக்கு காங்கிரஸ் தோற்கவேண்டும் தலை தூக்கவே முடியாதபடிக்கு

  • Kasimani Baskaran - Singapore,சிங்கப்பூர்

    அமளியில் நம்பிக்கை வைத்து கூச்சல் குழப்பங்கள் செய்பவர்கள் மீது கிரிமினல் நடவடிக்கை எடுத்தால் பாராளுமன்றம் அமைதியாவே நடக்கும்...

  • ramasamy naicken - Hamilton,பெர்முடா

    அதெற்கு பாராளுமன்றத்தை கலைத்து விட்டு தேர்தல் நடத்தலாமே?

  • அன்பு - தஞ்சை,இந்தியா

    விவாதமே இன்றி அவசர சட்டம் மூலம், அரசை நடத்த முயற்சிப்பது, சர்வாதிகாரம். காங்கிரஸ் ஆளும் காலத்தில், பிஜேபி இப்படித்தான் ஆறுமாதங்கள் அவையை முடக்கியது. அதற்காக காங்கிரஸ் இப்படி ஜனநாயகத்தை கொலைசெய்யவில்லை. பேச்சுவார்த்தை நடத்திதானே, அரசை நடத்தினார்கள். மோடி ஒரு சர்வாதிகாரி. குஜராத்தில் அவர் முதலமைச்சராக இருந்தபோது, அவைக்கு வந்த நாட்களே மிகவும் கம்மி. அதிலும் விவாதங்கள் மிகவும் குறைவு. அனைத்து சட்டங்களும் அவசர சட்டத்தின் மூலமே நிறைவேற்றினார். அதை தான் இங்கு ஜெயாவும் முடிந்தவரை செய்தார். சர்வாதிகாரிகள் நமக்கு தேவை இல்லை. இருபத்தேழு கட்சிகளுக்கு தலைமை ஏற்று, வாஜிபாய் நடத்திய ஆட்சியே இந்தியாவின் நல்ல ஆட்சிக்காலம். மோடியால் அதை கொடுக்க முடியாது. எந்த அரசும் மைனாரிடியாக இருக்கும்போது தான், நல்ல ஆட்சி கிடைக்கும்.

கருத்தைப் பதிவு செய்ய

Advertisement