Advertisement

காய்கறிகளுக்கும் எம்.ஆர்.பி., : விவசாய அமைப்பு எதிர்பார்ப்பு

புதுடில்லி : விவசாயிகள் உற்பத்தி செய்யும் காய்கறிகளுக்கும், எம்.ஆர்.பி., எனப்படும், அதிகபட்ச விற்பனை விலையை நிர்ணயிக்கும் அறிவிப்பு, பட்ஜெட்டில் இடம் பெறும் என, எதிர்பார்ப்பதாக, ஆர்.எஸ்.எஸ்., அமைப்பின், பாரதிய கிசான் சங்கம் தெரிவித்துள்ளது.


ஆர்.எஸ்.எஸ்., அமைப்பின், பாரதிய கிசான் சங்கத் தலைவர், மோகினி மோகன் மிஸ்ரா கூறியதாவது: தான் உற்பத்தி செய்யும் தக்காளியை, விவசாயிகள், ஒரு கிலோ, ஐந்து ரூபாய் என்ற விலையில், கொள்முதல் சந்தைகளில் விற்கின்றனர். அங்கு அது, ஒரு கிலோ, 30 ரூபாய்க்கு விற்கப்படுகிறது.
மக்களுக்கு கடைகளில் கிடைக்கும் போது, இது, 50 ரூபாயாக உயர்கிறது.


விவசாயி, தனக்கு தேவையான அனைத்து இடுபொருட்களையும், எம்.ஆர்.பி., விலைக்கே வாங்குகிறார். ஆனால், அவர் உற்பத்தி செய்யும் பொருளை, குறைந்தபட்ச விலைக்கே விற்கும் அவலநிலை உள்ளது.


விவசாய பொருட்களுக்கு, குறைந்தபட்ச ஆதார விலை நிர்ணயிப்பதால் மட்டும், இதற்கு தீர்வு கிடைக்கப் போவதில்லை. குறைந்தபட்ச ஆதார விலையைக் கூட, விவசாயிகளுக்கு தருவதற்கு வியாபாரிகள் முன்வருவதில்லை.


ஜி.எஸ்.டி., எனப்படும், சரக்கு மற்றும் சேவை வரி விதிப்பு முறையில், உள்ளீட்டு பொருட்களுக்கான வரியை குறைத்துக் கொள்ளும் வாய்ப்பு உள்ளது. ஆனால், விவசாயிக்கு அந்த வாய்ப்பும் இல்லை.



விவசாயிகளின் வருமானத்தை, 2022க்குள் இரட்டிப்பாக்க, அரசு நினைக்கிறது. அதன் முயற்சிகள் பாராட்டுக்குரியவை. ஆனால், விவசாயிகளுக்கு பலன் கிடைப்பதில்லை. விவசாயிகளுக்கு பலன் கிடைக்கும் வகையில், காய்கறிகளுக்கு, குறைந்தபட்ச ஆதார விலையை நிர்ணயிப்பதுடன், எம்.ஆர்.பி., விலையையும் நிர்ணயிக்க வேண்டும். அதிக விலைக்கு விற்பது தடுக்கப்பட வேண்டும்.


விவசாயிகளுக்கு உள்ளீட்டு வரி சலுகை கிடைக்க வாய்ப்பு ஏற்படுத்த வேண்டும். இதற்கான அறிவிப்பு, இந்த பட்ஜெட்டில் இடம் பெறும் என, எதிர்பார்க்கிறோம். இவ்வாறு அவர் கூறினார்.

Advertisement
 
Outbrain

வாசகர் கருத்து (13)

  • Meenu - Chennai,இந்தியா

    விவசாயிங்ககிட்டேர்ந்து அடிமாட்டு வாங்கி, வியாபாரி அதிக விலைக்கு மக்கள் தலையில் வைத்து விக்கிறான். இடையில் வரும் வியாபாரிதான் கொள்ளை மக்களிடம் கொள்ளை அடிக்கிறான். பாதிக்க படுவது, விவசாயும், பொது மக்களும் தான்.

  • நானும் தேச நேசன்தான் - chennai,இந்தியா

    அம்பானியும் அதானியும் அந்நிய நாட்டுக்காரனும் காய் கறி விக்க போறானுங்க...அதற்கு தான் இந்த யோசனை..

  • மணிமாறன் - chennai,இந்தியா

    அறிவில்லாதவனுங்க எது வேண்டுமானாலும் செய்வார்கள்..தினக்கொள்ளை நடக்கும் பெட்ரோல், டீசல் இரண்டுக்கும் ஏன் MRP வைக்கவில்லை??

  • K.Sugavanam - Salem,இந்தியா

    முதலில் விவசாயியை விலை பொருட்களை அவனே விற்க தடை போடாதீர்கள்.. காய்கறிகளுக்கு MRP ...ஓஹோ அந்நிய நடைபாதை கடைக்காரர்கள் வந்து கடைவிரிப்பதற்கு கட்டியம் கூறலா?

  • rajan - kerala,இந்தியா

    விவசாயத்தில் உற்பத்தி சார்ந்த இடுபொருட்கள் விலை சலுகைகள் இருந்தும் உற்பத்தி என்பது பருவநிலை சார்ந்த ஒன்றாகும். விவசாயத்தில் உற்பத்தி பெருகினால் விலை கிடைப்பதில்லை ஒரு பருவத்தில் அதே உற்பத்தி குறைந்தால் விலை எகிறும். எனவே உற்பத்தி சார்ந்த சந்தை படுத்துதல் என்பது தான் பெரிய சவால். பெரும்பான்மை விவசாயிகள் அடிவாங்குவதே இந்த சந்தை படுத்தும் இடத்தில தான். இங்கு தான் வியாபாரிகள் விவசாயம் சார்ந்த உழைப்பு இல்லாமல் தொழில் சார்ந்த லாபம் பார்க்குமிடம். அதாவது விவசாயி உற்பத்தி பண்ணும் பொருளுக்கு விலை நிர்ணயம் செய்வது இந்த வியாபாரிகள் தான். இந்த நிலை மாற விவசாயி வியாபாரியாகவும் உருவாக வேண்டிய நிர்பந்தம் உண்டாகிறது. இங்கு ஒரே நேரத்தில் விவசாயமும் வியாபாரமும் நடைமுறைக்கு வர சத்திய கூறுகள் உள்ளதா என்பதை ஆராயவேண்டும். விவசாய உற்பத்திகள் அத்தனையுமே பருவம் சார்ந்தது என்பது இயற்கையின் கோட்பாடு. இங்கு மனிதனின் தேவை சார்ந்த காய்கறிகளை பருவம் கட்டுப்படுத்தாது விவசாய முறை சாத்தியமா என்று விஞ்ஞானிகள் வழி காணவேண்டும். அடுத்து உற்பத்தி தேவை எனும் காரணிகளை ஒழுங்கு படுத்தி சந்தைப்படுத்தும் முறை அமல் படுத்த வேண்டும். அதற்கான களப்பணிகளை அரசு சார்ந்த வேளாண் உற்பத்தி கழகம் அதிகாரிகள் ஊக்குவிக்க வேண்டும். இந்த விவசாயம் சார்ந்த பிரச்சினைகள் பட்ஜெட் மூலம் சரிபண்ண வேண்டியது வான் பொய்ப்பினும் தான் பொய்யா வருடம் முழுவதும் நீர் ஆதாரம் அத்தியாவசியம். மற்றபடி சலுகைகள் மூலம் விவசாயத்தை காப்பரற்ற முடியாது. உதாரணமாக கள் இறக்குவது முறைப்படி அது சார்ந்த கலப்படமில்லா சந்தை படுத்துதல் பாதி விவசாயத்தை காப்பாற்றி விடும். ஆனால் இங்கு அரசு சார்ந்த டாஸ்மாக் மதுபான ஆலைகளை சார்ந்து நிற்கிறது. இந்த நிலையை மாற்றி இந்த கள் உற்பத்தியில் மேக் இன் இந்தியா கொண்டுவர வேண்டும். உடல் நலம் கெடுக்கும் அத்தனை வெளிநாட்டு மது பானங்கள் முற்றிலும் தவிர்க்க படவேண்டும், இங்கு தான் பட்ஜெட் சீர்திருத்தம் கொண்டு வரவேண்டும். இது தவறும் பட்ச்சத்தில் உணவுப்பஞ்சம் தலைவிரித்தாடி மக்களை புரியவைக்கும் காலம் வெகு தூரத்தில் இல்லை.

  • jagan - Chennai,இந்தியா

    யூக வணிகம் தேவை ( பியூச்சர்ஸ் டிரேடிங்)...விதைக்கும் முன்பே கொள்முதல் விலை தெரிய வேண்டும், அப்பிடி நடந்தால் எதை நடவு செய்யவேண்டும் என்று முடிவு செய்ய வசதியாய் இருக்கும்

  • Kasimani Baskaran - Singapore,சிங்கப்பூர்

    விவசாய விளைபொருள்கள் அழுகிப்போகும்... ஆகையால் அவற்றை சேமித்து வைத்து வேறு விதத்தில் பயன்படுத்த வேண்டிய உத்திகளை பயிற்சியின் மூலம் விவசாயிகளுக்கு உணர்த்தலாம்... குளிர்பதனிட தேவையான வசதிகளை அரசே ஏற்படுத்தி அதை பயன்படுத்த ஊக்குவிக்கலாம்.. தக்காளி தரை மட்ட விலை என்றால் சாஸ் மிக அதிக விலை... உருளைக்கிழங்கு தரைமட்ட விலை என்றால் சிப்ஸ் கொள்ளை விலை... வர்த்தக வாய்ப்புக்களை விவசாயிகள் பயன்படுத்தும் விதத்தில் பயிற்சி போன்றவற்றை கொடுக்கவேண்டும்... விவசாயம் செய்ய சைபீரியாவில் இஸ்ரேலிலும் கூட முடிகிறது... வளமான மண்ணுள்ள நம்மூரில் முடியவில்லை... வெட்கம்...

    • ஜெய்ஹிந்த்புரம் - Madurai,இந்தியா

      விவசாயி வருமானத்தை இரட்டிப்பாக்குவேன்னு ஏமாற்றும் திருட்டு அரசியல்வியாதிகள் இஸ்ரேலில், சைபீரியாவில் இல்லை போலும்.

    • K.Sugavanam - Salem,இந்தியா

      கீரைகளை அப்பப்பொதே பயன்படுத்துவது தான் சிறந்தது..மற்ற காய்கறிகளும் அப்படியே..

  • முருகவேல் சண்முகம்.. - சென்னை,இந்தியா

    சாத்தியமில்லை. ஆனால் அரசு விளை பொருட்களை, விவசாயிகள் நேரடியாக மக்களிடம் சேர்க்கும் வகையில் இருக்க வேண்டும். கூட்டு சந்தை மூலம் வழங்கும் முறையை, ஆங்காங்கே உருவாக்க வேண்டும். மக்களுக்கும் உரிய முறை விலை மட்டும் அல்லாது சிறப்பான, உ‌யி‌ர்ப்பான காய்கறி கள் கிடைக்கவும், விவசாயிகள் பயன் பெறவும் முடியும்.

  • ஜெய்ஹிந்த்புரம் - Madurai,இந்தியா

    சுண்டைக்காய் கால் பணம், சுமை கூலி முக்கால் பணம். இதை ஆயிரம் ஆண்டுகளுக்கு முன்பே சொல்லிட்டு போயிட்டான் நம்ம பொருளாதார பெருசுகள். நீ பெட்ரோல், டீசல் விலையை தினமும் ஏற்றி விப்பே. அதை உங்கப்பனா கொடுப்பான்னு வியாபாரி கேட்கிறான். நியாயம் தானே. சந்தை பொருளாதாரத்தில் விலையை நிர்ணயிப்பது மக்களே. MRP யை அத்தியாவசிய, உயிர்வாழ வேண்டிய மருந்து மாத்திரைகளில் கொண்டு வா. கொள்ளையடிக்கும் ரியல் எஸ்டேட்டில் வரைமுறைகளை கொண்டுவா. கத்திரிக்காய்க்கும், கொத்தமல்லிக்கும் கட்டுப்பாடு வைக்காதே.

  • ஜெய்ஹிந்த்புரம் - Madurai,இந்தியா

    பெட்ரோலுக்கும், டீசலுக்கும் முதலாளி தினமும் விலை வைப்பான். அங்கே MRP இல்லை. விவசாய பொருட்களுக்கு அரசு கொள்முதல் விலை நிர்ணயம், காய்கறிகளுக்கு MRP.. இதை யோசிக்கிற நாதாரிகள் எல்லாம் மனுசங்க தானா, இல்லை விஷ ஜந்துக்களா?

    • RANA - chennai,இந்தியா

      லூசா நீ ? விவசாயிக்கு நல்ல விலை கிடைக்கனும்னு தான அவர் இத சொல்லி இருக்கார். படிச்சிட்டு கருத்து சொல்லு. அரசியலுக்காக தேவை இல்லாம மக்களை குழப்பாதீங்க.

கருத்தைப் பதிவு செய்ய

Advertisement