Advertisement

வெளிநாடு வாழ் இந்தியர்களின் திருமணத்துக்கும் 'ஆதார்' கட்டாயம்?

புதுடில்லி: வெளிநாடு வாழ் இந்தியர்களின் திருமணத்துக்கும், 'ஆதார்' கட்டாயமாக்கப்பட உள்ளது.

ஆதார்:



வங்கி, 'காஸ்' மானியம், பான் கார்டு, சிம் கார்டு மற்றும் பல்வேறு நலத் திட்ட உதவிகளைப் பெறுவதற்கு, ஆதார் அட்டை கட்டாயமாக்கப்பட்டுள்ளது. 'சமூக நலத் திட்ட உதவிகள் பெறுவதற்கு, டிச., 31க்குள் ஆதாரை பதிவு செய்ய வேண்டும்' என, மத்திய அரசு தெரிவித்துள்ளது.

பரிந்துரை:



இந்நிலையில், வெளிநாடு வாழ் இந்தியர்களின் திருமணங்களுக்கு, ஆதாரை கட்டாயமாக்கும்படி, அமைச்சகங்களுக்கு இடையேயான கமிட்டி, மத்திய வெளியுறவுத் துறைக்கு பரிந்துரை செய்துள்ளது.


இதுகுறித்து, பெண்கள் மற்றும் குழந்தைகள் நலத் துறை அதிகாரிகள் கூறியதாவது: வெளிநாடுகளில் வசிக்கும் இந்தியர்களை திருமணம் செய்யும் இந்திய பெண்களில் சிலர், கணவரால் கைவிடப்படுதல், வரதட்சணை கொடுமை ஆகியவற்றுக்கு ஆளாகி வருகின்றனர். இத்தகைய குற்றங்களில் ஈடுபடும், வெளிநாடுகளில் வசிக்கும் இந்தியர்களை கண்டுபிடிப்பதே கடினமாக உள்ளது.

இந்திய பெண்கள் மீதான குற்றங்களைத் தடுப்பதற்கு, வெளிநாடு வாழ் இந்தியர்கள், திருமணத்தை பதிவு செய்ய, ஆதாரை கட்டாயமாக்கும்படி, பரிந்துரைக்கப்பட்டுள்ளது. ஆதார் மூலமாக, குற்றச்செயல்களில் ஈடுபடும், வெளிநாடு வாழ் இந்தியர்களை கண்டுபிடித்து நடவடிக்கை எடுக்க முடியும். இவ்வாறு அதிகாரிகள் தெரிவித்தனர்.

Advertisement
 
Outbrain

வாசகர் கருத்து (22)

  • Idithangi - SIngapore,சிங்கப்பூர்

    //இந்திய பெண்கள் மீதான குற்றங்களைத் தடுப்பதற்கு, வெளிநாடு வாழ் இந்தியர்கள், திருமணத்தை பதிவு செய்ய, ஆதாரை கட்டாயமாக்கும்படி, பரிந்துரைக்கப்பட்டுள்ளது// செய்தியை முழுவதும் படிக்காமல் கருது போடும் கருத்து கந்தசாமியை என்ன வென்பது..? இது இந்திய பெண்களை திருமணம் செய்யும் வெளிநாட்டு வாழ் இந்தியர்களுக்கு. அவர்கள் திருமணம் முடிந்து ரெஜிஸ்டர் செய்யும்போது ஆதார் அவசியம். ஆதாரில் உள்ள கைரேகை மற்றும் கருவிழி படலம் போன்ற பயோ மெட்ரிக் தகவல்களை வைத்து வெளிநாட்டு அரசுகளுடன் பரிமாறி சட்டப்படி குற்றவாளிகளை பிடிக்கலாம். குறிப்பாக ஏமாற்றிவிட்டு செல்பவர்களை. நமது பாஸ்போர்ட்டில் தற்போது இந்த தகவல்கள் இல்லை. அப்ப்ளிகேஷன் பார்மில் கைரேகை வாங்குவது எலெட்ரோனிக் முறைப்படி சேமிப்பது இல்லை. பெரும்பாலான நாடுகளில் வேலைக்கு வருபவர்களின் பயோ மெட்ரிக் விவரங்களை சேகரித்து வைத்து உள்ளனர். இதன் நோக்கத்தை புரிந்துகொள்ளாமல் சகட்டு மேனிக்கு கமன்ட் போடுவது.

  • m.viswanathan - chennai,இந்தியா

    "ஆதார் மூலமாக, குற்றச்செயல்களில் ஈடுபடும், வெளிநாடு வாழ் இந்தியர்களை கண்டுபிடித்து நடவடிக்கை எடுக்க முடியும்." உள்நாட்டிலேயே குற்றங்கள் செய்துவிட்டு, சிறையில் இருக்கும் பொழுது சகல வசதிகளையும் பெற வைக்கும் நாடு இது. ஒவ்வொரு அரசியல்வாதியும், அரசு அதிகாரிகளும் செய்யாத செயல்களா உருப்பட்ட மாதிரிதான், மக்களுக்கு எப்படியெல்லாம் பூ சுற்றுகிறார்கள்

  • Sami - Tirupur,இந்தியா

    மதத்தை வைத்து மக்களை மூடர்களாக்கும் கும்பலுக்கு மக்கள் (தமிழ் நாடு தவிர) ஆதரவு தந்ததின் விளைவை அனுபவிக்கிறார்கள். அதோடு சேர்த்து நாமும் அவதியுறுகிறோம். விரைவில் அங்கே மக்கள் போற்றும் ஒரு நல்ல ஆட்சியாளர் இன்றைய இளைஞர்களில் இருந்து வருவார் என்ற நம்பிக்கையில், காத்திருக்கிறோம். வாருங்கள் இளைஞர்களே, மதம் அல்ல வாழ்க்கை. நல்லாட்சியே மானுடம் சிறக்க நலம் தரும் வழி.

  • Sami - Tirupur,இந்தியா

    விமான பயணத்திற்கு கட்டாயமாகிறது ஆதார் (Jun, 8, 2017) என்ற செய்தி போட்ட அன்றே கருத்துப்பதில் "இனி திருமண செய்யக்கூட ஆதார் அவசியம் சட்டம் வரும்" என்று பதித்திருதேன். அது இன்று நிஜமாகிவிட்டது. இந்த வீணா போன பிஜேபி அரசால் நாட்டை விட்டு எங்காவது ஓடித்தொலையலாம் என்று தோணுகிறது. இவர்களை ஆட்சியை விட்டு அகற்றினால் தான் நாடு நன்றாக இருக்கும். முட்டாள் மக்கள் தேர்ந்தெடுத்த அரசால், ஓரளவேணும் சிந்திக்கும் தமிழ் நாட்டு மக்களையும் சேர்த்து கொடுமை படுத்தப்படுகிறார்கள். ஒழுங்கா அமையாய் வாழ முடியாமல் எல்லாத்துக்கும் போராட வேண்டுமென்றும் எனும் ஒரு அசாதாரண நிலை இந்த மதவாத சர்வாதிகார அரசால் இந்தியாவில் இப்பொழுது நிகழ்கிறது.

  • Srinivasan Kannaiya - muscat ,ஓமன்

    திருமணம் நலத்திட்டம் என்று மத்திய அரசு நினைக்கிறதா... ?

  • Sami - Tirupur,இந்தியா

    இந்த மாதிரி சட்டங்களை பார்க்கும் போது இந்தியாவில் சர்வாதிகார ஆட்சி நடக்கிறதோ என்ற எண்ண தோன்றுகிறது. தமிழகத்தை தவிர மற்ற மக்கள் ஒரு தவறான கட்சிக்கு வாய்ப்பு கொடுத்து இந்தியாவை சீரழிக்க வைத்துவிட்டார்கள். எப்பொழுது பிஜேபி ஒழியுமோ அன்றுதான் சுதந்திர இந்திய மறுபடியும் மலரும். மற்ற மாநில மக்கள் செய்த தவறால், தமிழக மக்களும் சேர்ந்து அவதிப்படுகிறார்கள். மக்கள் நலன் சார்ந்த உட்கட்டமைப்பு வசதிகளை மேம்படுத்தல் செய்யாமல், வெட்டி வேலைகளில் இந்த மதவாத மற்றும் சர்வாதிகார ஆட்சியாளர்கள் திரிகிறார்கள். அதற்கான பாடம் விரைவில் அனுபவிப்பார்கள்.

    • Idithangi - SIngapore,சிங்கப்பூர்

      கரெக்ட் சமி நம்ப தமிழ்நாட்டில் தான் ரூபாய் 2000 பணம் வாங்கி கொண்டு நல்ல கட்சிக்கு ஓட்டுப்போட்டு 39 எம்பிகளை பாராளுமன்றத்திற்கு அனுப்பி உள்ளோம். அவர்களின் பாராளுமன்ற நடவடிக்கைகளை உலகம் போற்றுகிறது. மற்ற மாநிலத்தில் உள்ளவர்கள் எல்லாம் தவறான கட்சிக்கு ஓட்டு போட்டு இப்போது வருந்தி தமிழக எம் பிக்களை பார்த்து பொறாமை படுகிறார்கள். நீங்க ஏன் இப்போ இருந்து மத்த மாநிலத்தினுள் போயி பி ஜெ பி கு ஓட்டு போடாதீங்க என்று பிரச்சாரம் செய்யக்கூடாது..?

  • ilicha vaayan - chennai,இந்தியா

    எனது உறவுப் பெண்ணின் கணவர் அவளை ஏமாற்றி விட்டு வெளி நாட்டில் சுற்றிக் கொண்டிருக்கிறான். விவாகரத்து செய்யவதற்கு நீதி மன்ற ஆணையை பெறவும் மறுக்கிறான். இருக்கும் இடம் கண்டுபிடிக்க முடியவில்லை.அவர்களுக்கு ஆதார் இருந்தாயில் சிறிது பயம் வரும் .ஆனால் இதை செயலில் காட்டுவது எளிதல்ல

  • Narayanan Sklaxmi - chennai,இந்தியா

    ஆதார்கார்டு பாதுகாப்பானது இது இந்தியாவிலுள்ள சேர்வேரில் தான் பதிவு செய்ப்பபடும் வெளி நாட்டிலுருந்து யாராலும் அதில் நுழையமுடியாது என்றெல்லாம் பேசுவார் . வெளிநாடுகளில் வேலை செய்ய்யும் முகவரி சரியானதா என்பதை எப்படி உறுதிசெய்யமுடியும், இன்று ஒரு நாட்டிலும் அடுத்த வருடம் இன்னொரு நாட்டிலும் வேலை செய்யும் போது ஆதார் கார்டை மாற்றித் தருவர்களா , ஒருவர் வெளிநாட்டிருந்த மற்றொரு நாட்டிலிற்கு நேரடியாக சென்று வேலைக்கு போனால் என்ன செய்வர்கள். எல்லாவற்றிற்கும் மக்கள் தன் டேட்டா அப்டேட் செய்யச்சொல்வார்கள் அது சரியா என்பதை யார் பார்க்க போவார்கள் . OTP இந்தியா மொபைலில் தான்வரும் அப்போ இந்தியன் மொபைல் வைத்து அதற்கும் தண்டம் அழவேண்டும். ஒரு ஆதார் கார்டுக்கு ஒரு மொபைல் நம்பர் தான் இணைக்கமுடியும் ஆண்டவன் தான் இந்தமாதிரி ஆட்களுக்கு நல்ல புத்திதரணும்

  • PalaniswamyGnanam -

    மல்லையாவுக்கு ஆதார் கார்டு இருக்கு இல்லை P.Gnananam. pgnanam23@gmail.com Seattle WA USA

  • Sanny - sydney,ஆஸ்திரேலியா

    அப்படினா வெளிநாடு போகும் நபர்களின் பாஸ்போர்ட் தகவல்களை வைத்து அவரை பிடிக்கமுடியாதா? பாஸ்போர்ட் ஒரு டம்மி பீசா?

  • Kumar - Singapore,சிங்கப்பூர்

    ஓ செய்யலாமே ஆனால் அதுக்கு முன்னால வெளிநாடு வாழ் இந்தியர்கள் ஆதார் கார்டுக்கு பதிவு செய்ய அந்தந்த நாட்டு தூதரகங்கள்ல வசதி பண்ணி குடுங்க. இன்னொரு பிரச்சனை ஆதார் அடிப்படை நோக்கம் " Resident's Identity (even foreigners living in India can get.)" and not "Citizen's Identity". அப்படி இருக்கையில் வெளிநாடு வாழ் இந்தியர்களை "Non resident Indians" என்று அழைக்கிறோம். இப்ப தெளிவா சொல்லுங்க ஆதார் "resident ID " யா ? இல்ல "citizen ID" யா?

    • ஜாம்பஜார் ஜக்கு - Chennai,இந்தியா

      NRI என்பது மூன்று வேறு வேறு சட்டங்களில் வருகிறது. Aadhar act, FEMA , IT act ....மூன்றிலுமே citizen அவசியம் இல்லை. மூன்றிலுமே definition வேற வேற. சட்டம் மிக தெளிவாக இருக்கிறது.

    • Jey Kay - jeykay@email.com - Melbourne,ஆஸ்திரேலியா

      நியாமான ஆதங்கம், ஆதார் எடுக்க நான் இந்தியா வரும் வரை காத்திருக்க வேண்டியதிருந்தது. இங்கிருக்கும் தூதரகங்களில் மூலம் எடுக்க வசதிவாய்ப்பளித்திருந்தால் ஏதுவாக இருந்திருக்கும். வெளிநாட்டு தூதரகங்களில் அந்த வாய்ப்பு வழங்காததற்கு ஒருவேளை கை ரேகைகள் மற்றும் கருவிழிகளை பதிவுசெய்வதால் பாதுகாப்பின் காரணமாக கூட இருக்கலாம். identity theft தவிர்ப்பதர்காக கூட இருக்கலாம், நூற்றிற்கும் மேற்பட்ட நாடுகளிலுள்ள தூதரகங்களில் ஆதார் முனையம் திறப்பதின் மூலம் நூற்றிற்கும் மேற்பட்ட பாதுகாப்பு சிக்கல்களை புறம்தள்ளுவதற்காக கூட இருக்கலாம். இந்தியாவை தாக்க காத்திருக்கும் விஷமிகளின் கையில் ஆதார் தகவல்கள் எதுவும் கிடைக்காமல் பாதுகாப்பது அவசியம். ஆனால் மலேசியா இந்த முறையை பின்பற்றி அசத்தி வருகிறது. மலேசிய பாஸ்போர்ட் பெற கைரேகை அவசியம். வேறு எந்த ஒரு நாட்டின் தூதரகங்களிலும் மலேஷியா பிரஜை கைரேகையை உறுதி செய்வதன் மூலம் பாஸ்போர்ட்ஐ புதுப்பித்துக் கொள்ளமுடியும். மலேஷியா வால் முடியும் பொழுது இந்தியாவும் முயற்சி செய்யலாம். மலேஷியா சின்ன நாடு நிர்வகிப்பது சுலபம், விரைவில் இந்திய அரசாங்கம் இந்திய தூதரகங்களில் ஆதார் முனையம் திறக்க முற்படவேண்டும். இந்தியாவில் ஆதார் எடுப்பது அவ்வளவு கடினமான காரியம் ஒன்றுமில்லை. காலம் கடத்துதல் மற்றும் அலட்சியம் நமக்கு இருக்கும் ஒரு மிகப் பெறிய கெட்டபழக்கம். அரசும் பலகாலமாக ஆதார் எடுக்க அறிவுறுத்தி வருகிறது. ஆனால் நம்மில் சிலருக்கு ஆதார் எடுக்க மனமில்லை, போதிய அவகாசமாளித்தும் நாம் சதா அரசை மட்டும் வசைபாடிக் கொண்டிருக்கிறோம். சிட்டி வங்கியும் என்னை பான் கார்டு எடுக்குமாறு பல காலமாக அறிவுறுத்தி வருகிறது, நானும் பெரிதாக எடுத்துக்கொள்ளவில்லை, நேற்று ஒரு மின்னஞ்சல் மூலம் டிசம்பர் 31 க்குள்ளாக பான் கார்டு விவரங்களை அளிக்காவிட்டால் வாங்கி கணக்கை தடை செய்வதாக அறிவித்தது. இப்போது கூறுங்கள் கால அவகாசம் அளித்தும் விவரத்தை அளிக்காதது எனது குற்றமா, அல்லது அரசின் குற்றமா. அரசால் மட்டும் இந்தியாவை முன்னேற்ற இயலாது, அரசு எடுக்கும் எந்த ஒரு திட்டத்திற்கும் நாம் ஒத்துழைப்பு அளித்தால் மட்டுமே அது சாத்தியம்.

  • Dr.C.S.Rangarajan - Fort Worth,யூ.எஸ்.ஏ

    நலத்திட்டங்களில் சலுகைகளை பெற ஆதார் தேவை என்று சொன்னது போக, வருமான வரி கட்டுவதற்கும், வங்கிகளில் சேமிப்பு கணக்கு வைப்பதற்கும் என ஆதரின் தேவையை விரிவாக்கம் செய்வது பூர்த்தியாகும் தருணம் வந்துவிடும் போல் தோன்றுகிறது. வெளிநாட்டில் வசிக்கும் இந்தியர்கள் ஆதாரை பெற வெளிநாடுகளிலும் ஆதார் வழங்கும் மையங்கள் உருவாக்கப்படுமா அல்லது திருமணம் செய்துகொள்ள எண்ணம் படைத்த வெளிநாட்டில் வாழும் இந்தியர்கள் ஆதார் அடையாள அட்டை பெற இந்தியா வந்தாக வேண்டுமா? உச்சநீதி மன்றம் ஆதார் விவகாரத்தில் விரைவாக முடிவு சொல்லும்முன் காலை கடன்களை வீட்டுக்கு வெளியே (குறிப்பாக திரைப்பட அரங்குகள் மற்றும் விமான நிலையுங்களில்) கழிக்க ஆதார் அவசியம் என அரசாணை வருமுன் உச்சநீதி மன்றம் இந்திய குடிமகன்களின் நலம் காக்க விரைவில் ஆதார் எங்கெங்கெல்லாம் தேவை, எங்கு தேவை இல்லை என அறுதி இட்டு கூறும் நேரம் வருமா, வராதா?

  • Krishnamoorthy Venkataraman - Madurai,இந்தியா

    வெளிநாடு வாழ் இந்தியர்களுக்கு ஆதார் அட்டை கொடுப்பதில்லையே. பாண் கார்டு மட்டும் தானே பெறமுடிகிறது. அவர்களும் ஆதார் அட்டை பெற இப்போது ஏற்பாடு ஏதேனும் உண்டா?

    • Jaya Prakash - Medan,இந்தோனேசியா

      சட்டப்படி வெளிநாட்டவராய் இருந்தாலும் அவர் 180 நாட்களுக்கு மேல் இந்தியாவில் தங்கி இருந்தால் ஆதார் எடுக்க முடியும்.... அப்போ அவன் X விசாவில் தான் வந்துருக்க முடியும்.... டூரிஸ்ட் விசாவில் அவன் அத்தனை நாள் தங்கமுடியாது (நம்மளே புலம்பி கிட்டு இருக்கோம், அவனுக்கு என்ன தலையெழுத்தா)

  • Chidam - Chennai,இந்தியா

    வெளி நாட்டுலயும் நம்ம ஏன் போலீஸ் ஸ்டேஷன் ஓப்பன் பண்ண கூடாது ?

    • Raman - kottambatti,இந்தியா

      அண்ணே சூப்பர்.... ரொம்ப நல்ல சொன்னேங்க.. கூடவே நம்ம கோர்ட்டுக்கு branch தொறந்தா ரொம்ப நல்லது.. யாரும் ஊருக்கு போகவேணாம் ..வெளிநாட்டிலேயே வேலை முடிச்சிக்கலாம்

  • Barathan - Melbourne ,ஆஸ்திரேலியா

    எக்கனாமிஸ் ஆஃன்ஸ் செய்த லலித் மோடி, மல்லையா போன்ற இந்தியர்கள் லண்டனில் சுகமான வாழ்க்கை வாழ்கிறார்கள். இவர்களுக்கு ஆதார் கார்டு இருக்கிறதா என்ன?

    • Sanny - sydney,ஆஸ்திரேலியா

      அவர்கள் எல்லாம் பாஸ்ப்போர்ட்டை வெளிநாடு காட்டி போனவர்கள், அதனால அவர்களை பிடிக்கமுடியவில்லை. ஆதார் கார்ட் மூலம் போயிருந்தால் கண்டிப்பாக தேடிப்பிடித்து தீகாரில் போட்டிருப்பாங்க. ஆர் யு ஹாப்பி now. லொள்ளு.

    • K.Sugavanam - Salem,இந்தியா

      எத்தனை வெளிநாடுகளில் இந்திய ஆதார் எண் (அது அடையாள கார்டு அல்ல ) அங்கீகரிக்கப் பட்டுள்ளது ?

கருத்தைப் பதிவு செய்ய

Advertisement