Advertisement

'மனித பிரமிடு அமைப்பது சாகச விளையாட்டா?'

மும்பை: மனித பிரமிடு அமைக்கும், 'தஹி ஹண்டி' எனப்படும், உறியடி விழாவை, சாகச விளையாட்டு என, வகைப்படுத்தியதற்கான காரணங்களை கூறும்படி, மஹாராஷ்டிர அரசுக்கு, மும்பை ஐகோர்ட் உத்தரவிட்டு உள்ளது.

மஹாராஷ்டிராவில், முதல்வர் தேவேந்திர பட்னவிஸ் தலைமையில், பா.ஜ., - சிவசேனா கூட்டணி ஆட்சி நடக்கிறது. இம்மாநிலத்தில், மனித பிரமிடு அமைக்கும், தஹி ஹண்டி விழா, ஆண்டுதோறும் விமரிசையாக நடத்தப்படும். அதில், சிறுவர்கள் பங்கேற்கக் கூடாது என்றும், 20 அடி உயரத்துக்கு மேல், மனித பிரமிடு அமைக்கக் கூடாது என்றும், 2015ல், மும்பை ஐகோர்ட் உத்தரவு பிறப்பித்தது.

ஆனால், அதே ஆண்டு, ஆக., 11ல், மாநில அரசு, தஹி ஹண்டி விழாவை, சாகச விளையாட்டாக அறிவித்து, கோர்ட், விதிகள் பலவற்றை தளர்த்தியது. அதன்படி, 11 வயதுக்கு மேற்பட்ட சிறுவர்களும், தஹி ஹண்டி போட்டியில் பங்கேற்கலாம்; அவர்களின் பெற்றோர், அனுமதிக் கடிதம் தந்தால் போதும் என, மஹாராஷ்டிர அரசு தீர்மானம் நிறைவேற்றியது.

இதை எதிர்த்து, மும்பை ஐகோர்ட்டில் வழக்கு தொடரப்பட்டது. கோர்ட் உத்தரவை மாநில அரசு மீறியுள்ளதாக, அந்த மனுவில் சுட்டிக்காட்டப்பட்டு உள்ளது. மனுவை பரிசீலித்த நீதிபதிகள், தஹி ஹண்டி, சாகச விளையாட்டு என, வகைப்படுத்தியதற்கான காரணங்களை கூறும்படி, மஹாராஷ்டிர அரசுக்கு உத்தரவிட்டுள்ளது. இத்தகைய விளையாட்டில், சிறுவர்கள் எவ்வாறு பங்கேற்க முடியும் என்றும், கோர்ட் கேள்வி எழுப்பி உள்ளது. இந்த வழக்கு, ஆக., 4க்கு தள்ளி வைக்கப்பட்டுள்ளது.

Advertisement
 
Outbrain

வாசகர் கருத்து (20)

  • ஜெய்ஹிந்த்புரம் - Madurai,இந்தியா

    சாகசங்களும், சாதனைகளும், உள்ளடக்கியது தான் விறுவிறுப்பான மனித வாழ்க்கை. சாகசங்கள் இல்லை என்றால் சாதனைகள் இல்லை.

  • ஜெய்ஹிந்த்புரம் - Madurai,இந்தியா

    அமர்நாத் யாத்திரை கூட சாகச விளையாட்டு தான்.. கேதார்நாத் பயணம் கூட அதில் சேர்த்தியாகி விட்டது.

  • Pasupathi Subbian - trichi,இந்தியா

    வின் வெளியில் பறப்பது கூட உயிர் ஆபத்து நிறைந்தது. அப்படி என்றால் உயிர் பயம் இருக்கும் வேலைகளில் ஈடுபட கூடாது என்று கூறலாமா? ராணுவத்திலும் உயிர் இழப்பு உள்ளதே , அப்போ ராணுவத்தில் சேரவேண்டாம். சமீபத்தில் பஸ் பயணத்தில் சிலர் இரும்பு கம்பிகள் குத்தி உயிர் இழந்தனர், இனி பஸ் பயணம் வேண்டாம். இப்படி அடுக்கிக்கொண்டே போனால் வேண்டத்தை தின்றுவிட்டு விதி வந்தால் சாகவேண்டும்

  • K.Sugavanam - Salem,இந்தியா

    கிரிக்கெட்ஐ Gentlemen

  • K.Sugavanam - Salem,இந்தியா

    Gymnastics ஐ ஒரு சாகச விளையாட்டுன்னா,இதுவும் அதே மாதிரிதான்.

  • Ganesh Tarun - Delhi,இந்தியா

    ஏன் இந்திய பண்டிகைகள், கொண்டாட்டங்கள் குறிவைக்கப்படுகிறது?

  • Amirthalingam Sinniah - toronto,கனடா

    சாகச விளையாட்டல்ல, சாகிற விளையாட்டு. இதன் காரணமாக கையொப்பம் வாங்குகிறார்கள்.

  • K.Sugavanam - Salem,இந்தியா

    தேவை இல்லாத வழக்குகள்..

  • vasanthan - Moscow,ரஷ்யா

    இந்துக்கள் பண்டிகைகள், விளையாட்டுகளை தேர்தெடுத்து தடுப்பது தான் இதன் நோக்கம். பச்சைகளும், வெள்ளை பாவாடைகளும் இதன் பின்னால் இயக்கும் கூட்டம் .

  • Srinivasan Kannaiya - muscat ,ஓமன்

    ஜல்லிக்கட்டு கூடாது என்று சொல்லும் மத்திய அரசு இதற்க்கு ஏன் தடை விதிக்கக்கூடாது...

  • Sanny - sydney,ஆஸ்திரேலியா

    பீட்டா, பீட்டா.பீட்டா அமைப்பு எங்கே. உடனே கோட்டுக்கு வரவும். மாடுகள் மட்டுமா உயிரினம்?

கருத்தைப் பதிவு செய்ய

Advertisement