Advertisement

பா.ஜ., கூட்டணியின் துணை ஜனாதிபதி வேட்பாளர் வெங்கையா!

ராஜ்யசபாவை பிரச்னை இல்லாமல் முடங்காமல் நடத்த வேண்டும்; எதிர்க்கட்சிகளை சமாளிக்க வேண்டும். 2019 லோக்சபா தேர்தலில் தென் மாநிலங்களில் கட்சிக்கு அதிகமான ஓட்டுகள் கிடைக்க வேண்டும் என்பது உட்பட பல்வேறு அம்சங்களை மனதில் வைத்து ஒரே கல்லில் பல மாங்காய்களை அடிக்கும் வகையில் துணை ஜனாதிபதி தேர்தல் வேட்பாளராக வெங்கையா நாயுடுவை 68, மத்தியில் ஆளும் பா.ஜ., அரசு நிறுத்தி உள்ளது. இதனால் காந்தி பேரனுக்கும், இவருக்கும் இடையே போட்டி நிலவுவது உறுதியாகி உள்ளது.

ஜனாதிபதி பிரணாப் முகர்ஜியின் பதவிக்காலம் முடிவடைவதால் புதிய ஜனாதிபதியை தேர்ந்தெடுக்கும் தேர்தல் நேற்று நடந்தது. இதில் பா.ஜ., தலைமையிலான தே.ஜ., கூட்டணி சார்பில் நிறுத்தப்பட்டுள்ள ராம்நாத் கோவிந்த் வெற்றி பெறுவதற்கான வாய்ப்பு அதிகம்
உள்ளது.
இந்நிலையில் ராஜ்யசபா தலைவராக உள்ள துணை ஜனாதிபதி ஹமீது அன்சாரியின் பதவிக்காலம் ஆக., 10ல் முடிவுக்கு வருகிறது. புதிய துணை ஜனாதிபதியை தேர்ந்தெடுப்பதற்கான தேர்தல் ஆக., 5ல் நடக்கும் என அறிவிக்கப்பட்டு உள்ளது. இந்த தேர்தலில் காங்., உள்ளிட்ட 18 எதிர்க்கட்சிகளின் சார்பில் காந்தியின் பேரன் கோபாலகிருஷ்ண காந்தி, 72, வேட்பாளராக அறிவிக்கப்பட்டு உள்ளார்.
அதனால் தங்கள் கட்சி வேட்பாளரை தேர்ந்தெடுப்பதற்காக பிரதமர் மோடி தலைமையில் பா.ஜ.,வின் பார்லி., குழு கூட்டம், டில்லியில் நேற்று நடந்தது. இதில் பா.ஜ., தேசிய தலைவர் அமித் ஷா, மூத்த அமைச்சர்கள் அருண் ஜெட்லி, நிதின் கட்கரி, அனந்த குமார், வெங்கையா நாயுடு உள்ளிட்டோர் பங்கேற்றனர்.
இக்கூட்டத்தில் மத்திய நகர்ப்புற வளர்ச்சித் துறை அமைச்சராக உள்ள வெங்கையா நாயுடுவை வேட்பாளராக நிறுத்துவது என ஏகமனதாக முடிவு செய்யப்பட்டது.

கூட்டத்துக்கு பின் இந்த தகவலை அமித் ஷா அறிவித்தார். ''பா.ஜ., தலைமையிலான தே.ஜ., கூட்டணி சார்பில் துணை ஜனாதிபதி தேர்தல் வேட்பாளராக வெங்கையா நாயுடு தேர்ந்தெடுக்கப்பட்டு உள்ளார். அவருக்கு அறிமுகம் ஏதும் தேவையில்லை. கட்சியின் மிகப்பெரிய தலைவர்களில் ஒருவர்,'' என அமித் ஷா கூறினார்.
ஆந்திரா மற்றும் மத்திய அரசில் அவர் வகித்த பதவிகள், கட்சியில் அவரது பங்களிப்பை, அமித் ஷா பட்டியலிட்டார். முன்னாள் பிரதமர் வாஜ்பாய் அரசிலும் வெங்கையா நாயுடு மத்திய அமைச்சராக இருந்தார் என்றும் தெரிவித்தார். முன்னதாக துணை ஜனாதிபதி வேட்பாளர் குறித்து கட்சியின் மூத்த அமைச்சர்களுடன், பிரதமர் மோடி ஆலோசனை நடத்தினார். அதே நேரத்தில் ஆர்.எஸ்.எஸ்., தலைவர்களான கிருஷ்ணகோபால் சர்மா, சுரேஷ் ஜோஷி ஆகியோரை சந்தித்து அவர்களின் கருத்தை அமித் ஷா கேட்டறிந்தார்.
தமிழக கவர்னர்வித்யாசாகர் ராவ், மதுபானி எம்.பி.,யான, ஹுகும்தேவ் நாராயண் யாதவ், மணிப்பூர் கவர்னர் நஜ்மா ஹெப்துல்லா, கேரள கவர்னர் சதாசிவம் ஆகியோரின் பெயர்களும் பரிசீலிக்கப்பட்டன. ஆனால் வெங்கையா நாயுடு ஏகமனதாக தேர்ந்தெடுக்கப்பட்டார்.

தேர்ந்தெடுக்கப்பட்டது என்?



துணை ஜனாதிபதி பதவிக்கு மற்ற சிலரின் பெயர்கள் பரிசீலிக்கப்பட்டாலும் முதலில் இருந்தே வெங்கையா நாயுடுவின் பெயர் தான் முன்னிலையில் இருந்தது. மிகவும் நகைச்சுவையாகவும், எதுகை மோனையுடனும் அவர் பேசும் பேச்சு மற்றும் மத்திய அரசுக்கு ஆதரவாக பேசி வந்தது போன்றவை அவருக்கு சாதகமாக அமைந்தன.
ஜனாதிபதி தேர்தலில் வடமாநிலமான உ.பி.,யைச் சேர்ந்த ராம்நாத் கோவிந்த் நிறுத்தப்பட்டு உள்ளதால் துணை ஜனாதிபதி தேர்தலில் தென் மாநிலத்தைச் சேர்ந்தவரை நிறுத்த வேண்டும் என மோடியும், அமித் ஷாவும் விரும்பினர். ஆந்திராவின் நெல்லுார் மாவட்டத்தைச் சேர்ந்த வெங்கையா, இயற்கையான தேர்வாக அமைந்தார்.
தென் மாநிலத்தைச் சேர்ந்தவரை துணை ஜனாதிபதி வேட்பாளராக நிறுத்தியுள்ளதன் மூலம் அடுத்த லோக்சபா தேர்தலில் தென் மாநிலங்களில் கட்சியை பலப்படுத்த வாய்ப்பு கிடைக்கும் என பா.ஜ., தலைமை நினைத்துள்ளது. ராஜ்யசபாவில் பா.ஜ.,வுக்கு பெரும்பான்மை பலம் இல்லாததால் எதிர்க்கட்சிகளை சமாளிக்க வேண்டிய மிகப்பெரிய பொறுப்பு ராஜ்யசபா தலைவராக உள்ள துணை ஜனாதிபதிக்கு உள்ளது.

தொடர்ந்து நான்கு முறை ராஜ்யசபா எம்.பி.,யாக தேர்ந்தெடுக்கப்பட்டுள்ள வெங்கையாவை தான் இதற்கு சரியான தேர்வாக கட்சி தலைமை கருதியது. ஆர்.எஸ்.எஸ்., அமைப்பு மற்றும் கட்சியின் மாணவர் அமைப்பான ஏ.பி.வி.பி., ஆகியவற்றில் பணியாற்றிய அனுபவமும், இரு முறை கட்சியின் தேசிய தலைவராகவும் பணியாற்றிய அனுபவமும் வெங்கையாவுக்கு உண்டு. இந்த அனைத்தும் ஒருங்கே அமைந்ததால் அவரை கட்சி ஒருமனதாக தேர்ந்தெடுத்து உள்ளது.
* முன்னாள் முதல்வர் பன்னீர்செல்வத்தை தொலைபேசியில் தொடர்பு கொண்ட பிரதமர் நரேந்திர மோடி, வெங்கையா நாயுடுவுக்கு ஆதரவு அளிக்கும்படி கோரினார். பன்னீரும் ஆதரவு தருவதாக உறுதி அளித்தார்.

வெற்றி வாய்ப்பு



லோக்சபா மற்றும் ராஜ்யசபா எம்.பி.,க்கள் ஓட்டளித்து துணை ஜனாதிபதியை தேர்ந்தெடுக்க உள்ளனர். அதன்படி மொத்தமுள்ள 790 எம்.பி.,க்களில் 550க்கும் மேற்பட்டோரின் ஆதரவு தே.ஜ., கூட்டணிக்கு உள்ளது. அதனால் துணை ஜனாதிபதி தேர்தலில் வெங்கையா நாயுடு வெற்றி பெறுவது ஏற்கனவே உறுதியாகி உள்ளது.
வேட்புமனு தாக்கலுக்கு கடைசி நாளான இன்று வெங்கையா நாயுடு வேட்புமனுவை தாக்கல் செய்ய உள்ளார். அதே போல எதிர்க்கட்சிகள் சார்பில் நிறுத்தப்பட்டுள்ள கோபாலகிருஷ்ண காந்தியும் இன்று மனு தாக்கல் செய்கிறார். ஆக., 5ல் துணை ஜனாதிபதி பதவிக்கான தேர்தல் நடக்கிறது. அன்றைய தினமே தேர்தல் முடிவு வெளியிடப்படும்.

வெங்கையா பயோடேட்டா



பெயர் : முப்பாவரபு வெங்கையா நாயுடு
தந்தை : ரங்கையா நாயுடு
மனைவி : உஷா
பிறந்த நாள் : 1.7.1949
பிறந்த ஊர் : சவடாபாலம், நெல்லுார் மாவட்டம், ஆந்திரா
குழந்தைகள் : ஒரு மகன், ஒரு மகள்
கல்வித்தகுதி : பி.ஏ., பி.எல்.,
தொழில் : விவசாயம் / அரசியல்

வகித்த பதவிகள்



1971 : நெல்லுார், வி.ஆர்.கல்லுாரி மாணவர் சங்க தலைவர்
1977 : ஆந்திரா, ஜனதா கட்சி இளைஞர் பிரிவு தலைவர்
1978 - 83: ஆந்திரா சட்டசபை உதயகிரி தொகுதி உறுப்பினர்
1988 - 93: ஆந்திர மாநில பா.ஜ., தலைவர்
1993 - 2000: பா.ஜ., அகில இந்திய பொதுச் செயலர்
1998 : ராஜ்யசபா எம்.பி.,
2000 : மத்திய ஊரக வளர்ச்சித் துறை அமைச்சர்
2002 - 04: பா.ஜ., தேசிய தலைவர்
2006 : பா.ஜ., பார்லிமென்ட் குழு உறுப்பினர்
2016 : மத்திய நகர்ப்புற மேம்பாட்டுத் துறை, தகவல், ஒலிபரப்புத் துறை அமைச்சர்

- நமது சிறப்பு நிருபர் -

Advertisement
 
Outbrain

வாசகர் கருத்து (41)

  • Indian - Shelton,யூ.எஸ்.ஏ

    தமிழக கட்சி உடைப்பு பணியை கன கச்சிதமாக செய்ததற்காக இவருக்கு ஜனாதிபதி பதவியல்லவா கொடுத்திருக்க வேண்டும்

  • jagadeesan - Hosur,இந்தியா

    வெங்கய்ய நாயிடு அவர்களுக்கு எனது வாழ்த்துக்கள்.சரியான தேர்வு.நிதானம் எல்லா அரசியல் வாதிகளுக்கு மத்தில் இவரை போன்ற அப்பழுக்கு இல்ல ஒருவரை பிஜேபி தேர்ந்து எடுத்ததற்கு என் நன்றிகள்.

  • Sandru - Chennai,இந்தியா

    " மூன்று கில்லாடிகள்" பட விளம்பர போஸ்டர் போல இருக்கு.

  • இந்தியன் kumar - chennai,இந்தியா

    நல்ல பேச்சாளர் , திறமையாக நடத்துவார் , ஆனால் கட்சிக்கு மாபெரும் இழப்பு

  • இந்தியன் kumar - chennai,இந்தியா

    இந்தியாவின் இரண்டாவது குடிமகனாக வருவதற்கும் ஒரு மச்சம் வேண்டும் , அடுத்த ஜனாதிபதியாகவும் வாழ்த்துக்கள்

  • ganapati sb - coimbatore,இந்தியா

    முதலில் பதவியில் இருக்கும் பொது தென்னிந்திய தமிழரான அப்துல் கலாமுக்கு ஜனாதிபதி வாய்ப்பளித்து வடஇந்திய செகவத்திற்கு துணை ஜனாதிபதி வாய்ப்பளித்த பாஜக இப்போது பதவியில் இருக்கும் பொது வடஇந்திய ராம்நாத்திற்கு ஜனாதிபதி வாய்ப்பும் தென்னிந்திய வெங்கையாவுக்கு துணை ஜனாதிபதி வாய்ப்பும் வழங்கி உள்ளது நல்லது.தெலுங்கு ஹிந்தி ஆங்கிலம் என மும்மொழிகளிலும் சிறந்த பேச்சாற்றல் அனைத்து தென்னிந்திய மொழிகளை புரிந்து கொள்ளும் ஆற்றல் பெற்ற தற்போதைய மோடி கால அமித்சா போல வாஜ்பாய் காலத்தில் கட்சி தலைவராக இருந்த துடிப்பான செயல் திறன் வாய்ந்த மத்திய அமைச்சராகவும் பணியாற்றிய வெங்கையா நாயுடு ராஜ்யசபாவையும் வழிநடத்தும் துணை ஜனாதிபதி பதவிக்கு மிக சிறந்த தேர்வு.ஜனாதிபதி பதவி போல் MLA க்கள் வாக்குகள் இல்லாமல் MP க்கள் வாக்குகள் மட்டும் கொண்டு தேர்ந்தெடுக்க படும் துணை ஜனாதிபதி பதவி ஏற்கனவே பாஜக தனித்தே சொந்த பலத்திலேயே வெற்றி பெரும் நிலையில் உள்ளது. தோற்பதற்கென்றே வாரிசு மீரா குமாரை நிறுத்தியது போல வாரிசு ராஜ்மோகனை நிறுத்தியுள்ளது வாரிசு அரசியலை ஜனாதிபதவி தேர்தலிலும் செய்யும் நேரு இந்திரா சஞ்சய் ராஜிவ் சோனியா ராகுல் பிரியங்கா வத்ரா என வாரிசு கட்சி தலைமை பண்பாடு காக்கும் காங்கிரஸ்.

  • Ramaswamy Sundaram - Mysore,இந்தியா

    தபார்ரா வெங்காய நாய்டுக்கு வந்த யோகத்தை....இவரு பல ஆண்டுகளாக மத்திய சர்க்கார் சம்பளம் வாங்கினது பத்தாதாமா? இனி உதவி ஜனாதிபதி அப்படின்னு பெற வச்சுக்கிட்டு பாஜனதாவுக்கு ஊரு ஊரா போயி ஜால்ரா பஜனை செய்யப்போறாரு.... அதுக்கு தீண்ட சம்பளம்....நடத்துங்க தாடிஜி

  • K.Sugavanam - Salem,இந்தியா

    அரசியலில் இருந்து விலகி நாட்டு நலனில் முழு திறமையையும் காண்பிக்க ஒரு வாய்ப்பு.. சும்மா "பைட் ஜாயியே" "பைட் ஜாயியே" என சொல்லிக் கொண்டே இல்லாமல் கறாராக நடந்து கொள்ள வேண்டும்..ஜோக்கடித்தே சமாளித்துவிடுவார் என்பது தெரிந்ததே..

  • Balaji - Khaithan,குவைத்

    திரு.அத்வானி அவர்களின் நிலைமை தான் மிகவும் வருத்தத்திற்குரியது.. அவரை எதனால் இந்த துணை ஜனாதிபதி பதவிக்கு (அவர் மீது வழக்கு இருந்தாலும்) கூட தேர்வு செய்யவில்லை என்பது தெரியவில்லை. நம்ப வைத்து நசுக்கிவிட்டார்கள் என்பது மட்டும் தெரிகிறது......

  • A shanmugam - VELLORE,இந்தியா

    பிஜேபி தனது வானளாவிய அதிகாரத்தோரணையால் "ஒரு ரப்பர் ஸ்டாம்ப்"யை உருப்படியாய் ஜனாதிபதியாக தேர்ந்தெடுத்து விட்டார்கள். இப்போது தேர்ந்தெடுத்த ரப்பர் ஸ்டம்புக்கு ஒரு "ஸ்டாம்ப் பேட்" வேண்டும் அல்லவா அதுதான் வெங்கய்ய நாய்டு என்ற "ஸ்டாம்ப் பேட்" சூப்பர் காம்பினேஷன். என்ன பொருத்தம் ஆகா என்ன பொருத்தம் ஆகா என்ன பொருத்தம்..........மோடிஜிக்கு இனி இந்தியாவே அவர் "கை அடக்கம்தான்|" போங்கோ?

  • Hackers Federation - sholinghur,இந்தியா

    தென் மாநிலங்களில் பி ஜே பி ன் செல்வாக்கு உயரும்

  • Jaganathan Vijayakumar - Chennai,இந்தியா

    We are proud of you Prime Minister, You have recognised Sincere persons in Non-Bramin for the position of President and Vice-President of India for the first time by BJP in the interest of Nation and the Party

  • R.BALAMURUGESAN - Muscat,ஓமன்

    ...ஒரே ஒரு தென்னிந்திய ஆள் நடமாடிக்கொண்டு இருந்தார், அவருக்கும் கல்தா கொடுத்தாகிவிட்டது...

  • Shanu - Mumbai,இந்தியா

    இந்தியாவில் பிஜேபியின் முடியாட்சி.

  • முக்கண் மைந்தன் - Mamzar, Dubai,ஐக்கிய அரபு நாடுகள்

    2014 வர கைநாட்டா இருந்த இந்தியாவ மூணே வருசத்துல Computer மயமான ஆக்கிபுட்டானுவ..., இனிமேட்டு Mars சு, Jupiter னு முன்னேத்த கெளம்பிடுவாய்ங்க....

  • vasanthan - Moscow,ரஷ்யா

    குருமா, டம்ளர் சைக்கோ, வைகோ, சுடலை ஆல் ஸ்டார்ட் மியூசிக்... அங்கே பப்பு, ராஜமாதாவே என்ன செய்வது என்று தெரியாமல் அல்லாடிக்கொண்டு இருக்கிறார்கள் ஆனால் ஒரு சீட்டு, ஒரு ஓட்டு கட்சி தலைவர்கள் (?) அடிக்கும் கூத்து இருக்கே ..

  • ஜெய்ஹிந்த்புரம் - Madurai,இந்தியா

    உரித்துப் பார்த்தால் வெங்காயத்தில் ஒன்றும் இருக்காது. உளறித் திரிபவன் வார்த்தைகளில் ஒரு உருப்படி தேறாது..

  • Solvathellam Unmai - Chennai,இந்தியா

    இந்த ஆளு அதிக சவுண்ட் குடுக்கும் போதே தெரியும்.... கேடி அடக்கி வைத்து விட்டார்... பாவம் வெங்காய பொம்மை...

  • Srinivasan Kannaiya - muscat ,ஓமன்

    ஆமாம் போட இவரை விட மிக சரியான மனிதர் இந்த உலகில் கிடைக்க மாட்டார்...

  • தேச நேசன் - Chennai,இந்தியா

    வெங்கையா வாங்கய்யா

  • தேச நேசன் - Chennai,இந்தியா

    நாட்டுக்கு லாபமென்றாலும் கட்சிக்கு இழப்புதான் தென் மாநிலங்களில் கட்சியை வழிநடத்த இவரைப்போல் மற்றவர்களால் இயலாது மத்திய மந்திரி சபையிலும் அனுபவஸ்தர்கள் தட்டுப்பாடு ஏற்படும் .

  • தங்கை ராஜா - tcmtnland,இந்தியா

    பாவம் வெங்கய்யா. தனக்கு இந்த பதவி வேண்டாம் என்று கெஞ்சி கதறியும் கூண்டில் அடைத்து விட்டார்கள். அவருடைய 'ஆமாம் சாமி' கேரக்டரே அவருக்கு வினையாகி விட்டது.

  • Amma_Priyan - Bangalore,இந்தியா

    சபாஷ் நாயுடு.... வாழ்த்துக்கள்... அற்புதமான திறமைசாலியான உங்களின் தேர்வு நிரம்ப மகிழ்ச்சியை அளிக்கிறது. Hearty Congratulations .

  • Kasimani Baskaran - Singapore,சிங்கப்பூர்

    வெங்கய்யா நாயுடுவை பார்த்தால் பலருக்கு கண்ணில் எரிச்சல் வரும்...

  • Suresh - Nagercoil,இந்தியா

    சேகர் ரெட்டி, ராம் மோகன்ராவ் போல் உள்ளவர்களின் பாடு இனி அம்போ தான்..வெங்கயாவுக்கு சரியான இடம் கொடுத்துள்ளார்கள் என்ன ஒண்ணு தஞ்சாவூர் பொம்மையை போல் தலையை ஆட்டிக்கொண்டே நாட்களை கழிக்கவேண்டியது தான்..ஆடுற மாட்டை ஆடித்தான் கறக்கணும் பாடுற மாட்டை பாடி தான் கறக்கணும் என்பது முன்னோர்கள் கருத்து...

  • SaiBaba - Chennai,இந்தியா

    வாங்க வாங்க வெங்காய நாயுடு

  • Unmayana Desa nesan - Chennai,இந்தியா

    இந்த வெங்காய நாயடு தென் இந்தியாவில் விரல் விட்டும் என்னும் பிஜேபி தலைவர்களில் ஒருவர். மோடிக்கே போட்டியாக திகழ்ந்தார். சமயம் பார்த்து மோடி இவரை ஸ்டாம்ப் பதவியில் அமர்த்தி அழகு பார்த்துவிட்டார். இனி இவரின் தொந்தரவு மோடிக்கு இல்லை. ஆனால் ஒரு மகிழ்ச்சி. தமிழ் நாட்டு அதிமுகவின் ஆட்சி கட்சி செயல்பாடுகளில் இனி இவர் தலையீடு இருக்காது. இந்த வகையில் அதிமுக இவரை ஆதரிக்கலாம்.

  • அன்பு - தஞ்சை,இந்தியா

    வெங்காய நாயுடு மீண்டும் அமைச்சர் பதவியை தொடர வாழ்த்துக்கள்

கருத்தைப் பதிவு செய்ய

Advertisement