Advertisement

வீட்டையே நிவாரண முகாமாக மாற்றிய டொவினோ தாமஸ்

மலையாள சினிமாவில் வளர்ந்து வரும் இளம் முன்னணி நடிகர் டொவினோ தாமஸ். தமிழில் வெளியான அபியும் அனுவும் படத்தில் ஹீரோவாக நடித்த இவர், தற்போது தனுஷின் மாரி 2 படத்தில் வில்லனாக நடித்துள்ளார். தற்போது கேரளாவில் இருக்கும் இவர், வெள்ளத்தால் பாதிக்கப்பட்டவர்களுக்கு தனது வீட்டையே நிவாரண முகாமாக மாற்றியமைத்து உதவி செய்துள்ளார்.

கேரளாவில் திருச்சூர் மாவட்டம் இரிஞ்சாலக்குடாவில் இவரது வீடு உள்ளது. இந்தப்பகுதியில் மழையின் தாக்கம் அதிகம் இருந்தாலும் வெள்ளத்தால் பாதிக்கப்படும் அபாயம் மிகவும் குறைவு என கூறியுள்ள டொவினோ தாமஸ், வெள்ளத்தால் வீடுகளை இழந்தவர்கள் தனது வீட்டில் தாங்கிக் கொள்ளலாம் என கூறியுள்ளார்.

நிலைமை சீராகும் வரை அவர்களுக்கான அடிப்படை தேவைகளை தானே செய்து கொடுப்பதாகவும் கூறியுள்ளார். மேலும் இந்த உதவியை பாதிக்கப்பட்டவர்கள் தவிர வேறு யாரேனும் தயவுசெய்து தவறாக பயன்படுத்த வேண்டாம் என வேண்டுகோளும் விடுத்துள்ளார்.

Advertisement
 

வாசகர் கருத்து

    முதல் நபராக கருத்து தெரிவியுங்கள்!

கருத்தைப் பதிவு செய்ய

Advertisement