Advertisement

உங்களில் ஒருத்தனாக வந்துள்ளேன் : மோகன்லால் நெகிழ்ச்சி

கேரள அரசு திரைப்பட விருது வழங்கும் விழா திருவனந்தபுரத்தில் நடைபெற்றது. இந்த விழாவில் சிறப்பு விருந்தினராக மோகன்லால் கலந்துகொண்டார். இந்த நிகழ்ச்சியில் மோகன்லால் கலந்துகொண்டால் விழாவை புறக்கணிப்போம் என விருது பெற்ற சிலர் போர்க்கொடி தூக்கி கடந்த இரண்டு வாரங்கள் முழுதும் மலையாள திரையுலகை பரபரப்பிலேயே வைத்திருந்தனர்.

இந்தநிலையில் விழாவில் கலந்துகொண்ட மோகன்லால், "நான் இங்கே சிறப்பு விருந்தினராக கலந்துகொள்ளவில்லை. கடந்த 40 வருடங்களாக உங்களுடனே தான் பயணித்திருக்கிறேன்.. அதனால் மற்றவர்கள் விருது பெறுவதில் எனக்கு எந்தவித பொறாமையும் இல்லை.. உங்களில் ஒருத்தனாக, நீங்கள் விருது வாங்குவது கண்டு பெருமைப்படும் சக கலைஞனாகவே இங்கு வந்துள்ளேன்" என தன் மீது எழுந்த எதிர்ப்புகளுக்கு நெகிழ்ச்சியான முறையில் பதில் கூறினார்.

Advertisement
 

வாசகர் கருத்து

    முதல் நபராக கருத்து தெரிவியுங்கள்!

கருத்தைப் பதிவு செய்ய

Advertisement