Advertisement

வஞ்சகர் உலகத்தில் கேங்ஸ்டர்களின் வாழ்க்கை

நியூயார்க் பிலிம் அகாடமியில் மேக்கிங் சினிமா படித்து விட்டு, வஞ்சகர் உலகம் படத்தை இயக்கிக் கொண்டிருக்கிறார் மனோஜ். குருசோமசுந்தரம், சாந்தினி தமிழரசன், அனிஷா அம்புரோஸ், விசாகன், லென்ஸ் பட இயக்குனர் ஜேப்பி நடிக்கிறார்கள் வெளிநாட்டு ஒளிப்பதிவாளர் ரொட்ரிகோ ஒளிப்பதிவு செய்கிறார், சாம் சி.எஸ் இசை அமைக்கிறார். படத்தின் படப்பிடிப்புகள் நிறைவடைந்துள்ளது. படம் பற்றி இயக்குனர் மனோஜ் கூறியதாவது:

தலைப்புக்கு ஏற்ற மாதிரி இது கேங்ஸ்டர் கதை தான். குரு சோமசுந்தரம் கேங்ஸ்டர் கேரக்டரில் நடிக்கிறார். அண்டர்கிரவுண்ட் தாதாக்கள் வாழ்க்கையில் துரோகம் என்கிற வஞ்சகம் தான் மிகப்பெரிய சக்தி, யார் எப்போது துரோகியாக மாறுவார்கள் என்பதை கணிக்க முடியாது. அதை கணிக்க முடிந்தவரோ தொடர்ந்து கேங்ஸ்டராக இருக்க முடியும், இல்லாவிட்டால் சீக்கிரமே அவன் கதை முடிந்து விடும்.
வெளிநாட்டில் படித்தாலும் இயக்குனர் எஸ்.பி.ஜனநாதன் உடன் புறம்போக்கு படத்தில் துணை இயக்குனராக இருந்து பயிற்சி பெற்று தான் இந்தப் படத்தை இயக்கி இருக்கிறேன். சென்னை, புதுச்சேரி பகுதிகளில் படப்பிடிப்பு நடந்தது. உலகில் 100 சதவிகிதம் நல்லவர்கள் யாரும் கிடையாது, 100 சதவிகிதம் கெட்டவர்கள் யாரும் கிடையாது. இதுதான் படம் சொல்லும் செய்தி. என்கிறார் மனோஜ்.

Download for free from the Store »

Advertisement
 

வாசகர் கருத்து

    முதல் நபராக கருத்து தெரிவியுங்கள்!

கருத்தைப் பதிவு செய்ய

Advertisement