Advertisement

தொழிலாளர்களின் குரல் அஜித்திற்குக் கேட்குமா ?

தமிழ்நாட்டில் தமிழக அரசு சார்பில் நடத்தப்பட்டு வந்த பிலிம் சிட்டி அங்கு டைடல் பார்க் வந்ததால் மூடப்பட்டது. ஆண்டுதோறும் பல கோடி ரூபாயை அரசுக்கு கேளிக்கை வரி வருவாயாகவும், மத்திய அரசுக்கு வருமான வரியாகவும், ஜிஎஸ்டி வரியாகவும் தரும் தமிழ்த் திரைப்படத் துறையினருக்கு சென்னையில் படப்பிடிப்பு நடத்த பெரிய வசதிகள் எதுவும் இல்லை.

இங்கு அரசு இடங்களிலோ, பொது இடங்களிலோ படப்பிடிப்பு நடத்த அனுமதி வாங்க வேண்டும் என்றால் அவ்வளவு சுலபத்தில் கிடைக்காது. மேலும், சென்னையில் இருந்த பல ஸ்டுடியோக்கள் மூடப்பட்டு தற்போது ஏவிஎம், பிரசாத் ஆகிய இரண்டு ஸ்டுடியோக்கள் மட்டுமே இயங்கி வருகின்றன. அங்கும் திரைப்படப் படப்பிடிப்புகளை விட டிவி படப்பிடிப்புகள்தான் அதிகம் நடக்கின்றன. சமீபகாலத்தில் பூந்தமல்லியில் உள்ள இவிபி ஸ்டுடியோவில்தான் படப்பிடிப்பு நடந்து வருகிறது.

ரஜினிகாந்த்தின் காலா, 2.0 ஆகிய படங்களின் படப்பிடிப்பு அங்குதான் அதிகம் நடைபெற்றது. ஆனால், அஜித், விஜய் உள்ளிட்டோரின் படங்களின் படப்பிடிப்பு தமிழ்நாட்டில் நடப்பதை விட ஹைதராபாத்தில்தான் அதிகம் நடக்கிறது. தற்போது கூட விஸ்வாசம் படப்பிடிப்பு ஹைதராபாத்தில்தான் நடைபெற்று வருகிறது. அங்கு வட சென்னை போன்ற செட்டை உருவாக்கி படப்பிடிப்பு நடத்தி வருகிறார்கள்.

தமிழ்ப் படங்களின் படப்பிடிப்புகளை தேவை இருந்தால் மட்டும் வெளிமாநிலங்களில் நடத்தலாம், இல்லை என்றால் தமிழ்நாட்டிலேயே நடத்த வேண்டும் என பெப்சி தலைவர் ஆர்.கே.செல்வமணி கேட்டுக் கொண்டுள்ளார். இதன் மூலும் தமிழ்நாட்டைச் சேர்ந்த தொழிலாளர்கள் பிழைக்க முடியும் என்றும் அவர் கூறியுள்ளார்.

தொழிலாளர்களின் குரல் அஜித்திற்குக் கேட்டு, அடுத்த கட்ட படப்பிடிப்பு அவர் தமிழ்நாட்டில் நடத்த வேண்டும் என தயாரிப்பாளரிடம் சொல்வாரா என இங்குள்ள தொழிலாளர்கள் எதிர்பார்க்கிறார்கள்.

Advertisement
 
Outbrain

வாசகர் கருத்து (7)

  • Vijay - Bangalore,இந்தியா

    இயக்குனர் தயாரிப்பாளர் எங்க சொல்லுறாங்களோ அங்க தான் ஹீரோ நடிச்சி கொடுக்கமுடியும் .... இதுல இவரு என்ன செய்யவரு பாவம் .... போட்டோ சூப்பர் எப்ப பாரு 10 பேரு நடுவுல நின்னுகிட்டு .....

  • Karthik TVR - Tiruvarur,இந்தியா

    நாராயண நாராயண

  • குறிஞ்சி நில கடவுள் - kallai,இந்தியா

    ஆரம்பிச்சாச்சா...

  • J.V. Iyer - Singapore,சிங்கப்பூர்

    ஏன்யா சும்மா இருப்பவரை வம்புக்கு இழுக்கிறீர்கள்? அவர் தன்னிடத்தில் வேலை பார்க்கும் தொழிலாளிகளை நன்றாக வைத்துக்கொள்கிறார். இப்படி எல்லோரும் செய்தால், பிரச்சினை சுமுகமாக முடியும். அவர் இதெற்கெயெல்லாம் பதில் சொல்லவேண்டிய தேவையில்லை.

  • VELAN S - Chennai,இந்தியா

    சினிமாவே வேண்டாம், பேசாமே, காவிரி நீர் கிடைக்க போராடிட்டு, விவசாயத்தை செய்ய பாருங்க.

  • BoochiMarunthu - Paradise papers,பனாமா

    இதை ஏன் அஜித் கேட்கணும், தயாரிப்பாளர் மற்றும் தயாரிப்பாளர் சங்கம் தான் முடிவு செய்ய வேண்டும்.

  • Vinodh Mohan - Chennai,இந்தியா

    அஜித் இதில் செய்ய வேண்டியது என்ன? எல்லாம் டைரக்டர்ஸ் தானே முடிவு செய்வர்?

கருத்தைப் பதிவு செய்ய

Advertisement