Advertisement

விவசாயப் பின்னணியில் அதிக படங்கள்!

நகர்ப்புற பின்னணியில் கதையம்சம் கொண்ட தமிழ் திரைப்படங்களே, அதிகமாக எடுக்கப்பட்டு வந்த நிலையில், சமீப காலமாக கிராமப் புற கதைகளை நோக்கி, இயக்குநர்கள் கவனம் திரும்பி இருக்கிறது.

ஒரு கிடாபியின் கருணை மனு, கொடி வீரன், மன்னர் வகையறா, மதுரை வீரன் உள்ளிட்டப் படங்களை அடுத்து, கிராமப்புற பின்னணியில் நிறைய படங்கள் எடுக்கப்பட்டு வருகின்றன. அதிலும், விவசாயத்தை முன்னிறுத்தி கதைகள் பின்னப்பட்டிருக்கிறது.

விவசாயத்தை முன்னிலைப்படுத்தும் கதாபாத்திரங்களில் முன்னணி நடிகர்கள் நடிக்க விரும்புவதை அடுத்தே, இப்படிப்பட்ட கதைகள் பின்னப்படுவதாக, சினிமா வட்டாரங்களில் கூறுகின்றனர்.

நடிகர் விஜய் நடிக்க, இயக்குநர் முருகதாஸ் இயக்க தயாராகும் படத்தில் முழுக்க முழுக்க கிராமங்களையே மையப்படுத்தி கதை பின்னப்பட்டிருப்பதோடு, விவசாயமும், அரசியலும் கலந்து படமாக்கப்படுகிறது.

அஜித்தின் புதிய படம், சிவகார்த்திகேயனின் சீமராசா, உதயநிதியின் கண்ணே கலைமானே, விஷாலின் சண்டைக் கோழி -2 படம் உள்ளிட்ட பல புதிய படங்கள், கிராமங்களை மையமாகக் கொண்ட கதையம்சம் உள்ளவை.

பாண்டிராஜ் இயக்கத்தில் கார்த்தி நடிக்கும் கடைக்குட்டி சிங்கம் படமும் விவசாயத்தை முக்கியமாகக் கொண்டவை. இவை தவிர, சுப்பிரமணிய சிவா இயக்கத்தில் சமுத்திரக் கனி நடிக்கும் வெள்ளை யானை, அமீர் நடிக்கும் அச்சமில்லை அச்சமில்லை, காக்காமுட்டை படமெடுத்த மணிகண்டன் இயக்கும் கடைசி விவசாயி, கத்திரிக்கா வெண்டக்கா உள்ளிட்ட பல படங்கள் விவசாயத்தையும், விவசாயியையும் பிரதானப்படுத்தி எடுக்கப்பட்டு வரும் படங்கள்.
காவிரி பிரச்னை பிரதான பிரச்னையாக இருப்பதை அடுத்து, இயக்குநர்களும், நடிகர்களும் விவசாயத்தை மையமாக வைத்து படம் எடுக்க விரும்புவதாலேயே, விவசாயத்தை மையமாக வைத்து எடுக்கப்படும் படங்கள் சமீப காலமாக அதிகரித்துள்ளதாக சினிமா தயாரிப்பாளர் ஒருவர் கூறினார்.

Advertisement
 
Outbrain

வாசகர் கருத்து (4)

  • tamilselvan - chennai,இந்தியா

    தமிழ்நாடு திரைப்படத்துறை தயாரிப்பாளர்கள் விவாசாயத்தை பற்றி படம் எடுக்கிறார்கள் பணம் லாபம் குவிக்கிறது ஆனால் விவசாயிகளுக்கு இவர்கள் என்ன செய்த்தார்கள்

  • இட்லி நேசன் - Dublin,அயர்லாந்து

    விருப்பு வெறுப்பு எல்லாம் ஒன்னுமில்லை...வியாபார தந்திரம்...இன்றைய தலைமுறையினர் கொஞ்சம் விவசாயத்திற்கு குரல் கொடுப்பதை உணர்ந்தே இப்படிப்பட்ட படங்கங்கள் எடுக்கப் படுகின்றன...

  • Srinivasan Kannaiya - muscat ,ஓமன்

    அதை கண்டு ஒரு இருபத்தயிந்து சதவிகிதம் மக்கள் விவசாயம் செய்ய முன் வரலாம் ...ஆனால் விளை நிலம் எங்கே சாமி...

  • KSaiRam -

    evanunga vevasayathukku edhuvum seiyamattanga aanal kalla katrathukkaga padam eduppanga muttal koottam (makkal) message solierukangannu koovuvanunga

கருத்தைப் பதிவு செய்ய

Advertisement