Advertisement

'2.0' ஓடும் நேரம் 100 நிமிடம் மட்டுமே ?

ஷங்கர் இயக்கத்தில், ரஜினிகாந்த், அக்ஷ்ய் குமார், எமி ஜாக்சன் மற்றும் பலர் நடித்துள்ள '2.0' படத்தின் இறுதிக் கட்டப் பணிகள் விறுவிறுப்பாக நடைபெற்று வருகின்றன. படத்தின் கிராபிக்ஸ், விஎப்எக்ஸ் ஆகிய பணிகள் ஹாலிவுட் தரத்தில் உருவாகி வருகின்றன.

இதனிடையே, படம் ஓடும் நேரம் 100 நிமிடங்கள் மட்டுமே என ஒரு தகவல் வெளியாகியுள்ளது. அதாவது, 1 மணி நேரம் 40 நிமிடங்கள் மட்டுமே படத்தைத் திரையில் காண முடியும். 400 கோடி ரூபாய் செலவில் தயாராகும் படம் இது என்று சொல்லப்படுகிறது. அப்படி என்றால் படத்தின் ஒரு நிமிடக் காட்சிக்கு 4 கோடி ரூபாய் செலவாகிறது என்பது அதிர்ச்சிகரமான ஒரு தகவல்.

ஹாலிவுட் படங்கள் பெரும்பாலும் 100 நிமிடங்கள் மட்டுமே உருவாக்கப்படும். '2.0' படத்தை ஹாலிவுட்டிலும் வெளியிட முடிவு செய்திருப்பதால் தான் படத்தை வழக்கமான தமிழ்ப்படங்களின் நேரத்தை விட குறைவாக முடித்துள்ளார்கள் என்கிறார்கள்.

Advertisement
 

வாசகர் கருத்து

    முதல் நபராக கருத்து தெரிவியுங்கள்!

கருத்தைப் பதிவு செய்ய

Advertisement