Advertisement

அல்லு அர்ஜூன் ஜோடியானார் அனு இம்மானுவேல்

மலையாளத்தில் கடந்த வருடம் நிவின்பாலி நடிப்பில் வெளியான 'ஆக்சன் ஹீரோ பைஜூ' படத்தில் கதாநாயகியாக அறிமுகமானவர் அனு இம்மானுவேல். ஆனால் அதற்கடுத்து மலையாள சினிமா அவரை பெரிதாக கண்டுகொள்ளவில்லை. ஒருமுறை சில நாட்கள் மட்டுமே துல்கர் ஜோடியாக நடித்த நிலையில் அந்தப்படத்தில் இருந்து தூக்கப்பட்டார் அனு இம்மானுவேல். அவ்வளவுதான் அவரது சினிமா வாழ்க்கை என நினைத்த நிலையில் தெலுங்கில் இவர் நடித்த 'மஞ்சு' படம் ஹிட்டாகி 'நீ இங்கேயே இரும்மா' என அவரை இழுத்து பிடித்தது.

அதன்பின், தெலுங்கு சினிமா இவரை பவன் கல்யாண் படத்தில் அவருக்கு ஜோடியாக்கியது. தொடர்ந்து விக்ரமுடன் துருவ நட்சத்திரம் படத்தில் நடிக்கும் வாய்ப்பும் இவரை தேடி வந்தது. இப்போது அல்லு அர்ஜுனுக்கு ஜோடியாக 'நா பேரு சூர்யா' படத்தில் நடிக்கும் வாய்ப்பும் அனு இம்மானுவேல் வீட்டு கதவை தட்டி அக்ரிமென்ட்டில் கையெழுத்து வாங்கி சென்றுள்ளது. சரத்குமார், அர்ஜூன் இருவரும் முக்கிய வேடங்களில் நடிக்கும் இந்தப்படத்தை பிரபல இயக்குனர் வக்கந்தம் வம்சி இயக்குகிறார்.

Advertisement
 
Outbrain

வாசகர் கருத்து

    முதல் நபராக கருத்து தெரிவியுங்கள்!

கருத்தைப் பதிவு செய்ய

Advertisement