Advertisement

மெடிக்கல் திரில்லர் கதையில் ஐங்கரன்

அதர்வா நடித்த ஈட்டி படத்தை இயக்கியவர் ரவி அரசு. அதையடுத்து தற்போது ஜி.வி.பிரகாஷ் நடிப்பில் ஐங்கரன் என்ற படத்தை இயக்கி வருகிறார். ஜி.வி.பிரகாஷ் இன்ஞ்சினியர் வேடத்தில் நடிக்கும் இந்த படம் நாமக்கல் கதைக்களத்தில் உருவாகிறது. அதன்காரணமாக முதல்கட்ட படப்பிடிப்பை சென்னையில் நடத்தியவர்கள், இரண்டாம் கட்டபடப்பிடிப்பை கடந்த இரண்டு வாரங்களாக நாமக்கல்லில் முகாமிட்டு நடத்தியுள்ளனர். நேற்று முன்தினம் தான் யூனிட் சென்னை திரும்பியிருக்கிறது.
மேலும், இந்த படம் மெடிக்கல் திரில்லர் கதையில் உருவாகிறது. மெடிக்கல் துறையில் நடக்கும் சில அசம்பாவிதங்களை வெளிச்சம் போட்டு காட்டும் கதையாம். சமீபத்தில் ஈரம் அறிவழகன் இயக்கத்தில் வெளியான குற்றம் 23 படமும் மெடிக்கல் துறையில் நடக்கும் ஒரு திடுக் சம்பவங்களைதான் வெளிச்சம் போட்டது. அதேபோல் இந்த ஐங்கரன் படமும் இன்னொரு அதிர்ச்சி தரும் திடுக் சம்பவத்தை மக்களுக்கு வெளிச்சம் போட்டு காட்டுகிறதாம்.

Advertisement
 
Outbrain

வாசகர் கருத்து

    முதல் நபராக கருத்து தெரிவியுங்கள்!

கருத்தைப் பதிவு செய்ய

Advertisement