Advertisement

சட்டபூர்வ மதிப்புடன், ‘டிஜிட்டல் கரன்சி’; ரிசர்வ் வங்கி வெளியிட திட்டம்

மும்பை: ரிசர்வ் வங்கி, தற்­போ­தைய காகித கரன்­சி­க­ளு­டன், வலை­த­ளத்­தில், மின்­னணு பரி­வர்த்­த­னை­க­ளுக்கு மட்­டும் பயன்­படும், ‘டிஜிட்­டல் கரன்சி’யை வெளி­யி­டு­வது குறித்­தும், பரி­சீ­லித்து வரு­வ­தாக தக­வல் வெளி­யாகி உள்­ளது.

தற்­போது, காகித கரன்­சி­களை, ரிசர்வ் வங்கி அச்­சிட்டு, வெளி­யிட்டு வரு­கிறது. அத்­து­டன், பல்­வேறு மதிப்­பு­களில் நாண­யங்­களும் வெளி­யி­டப்­ப­டு­கின்றன. இந்­நி­லை­யில், அதி­க­ரித்து வரும் கரன்சி தயா­ரிப்பு செலவை குறைக்க, ரிசர்வ் வங்கி, பல்­வேறு முயற்­சி­களை மேற்­கொண்டு உள்­ளது. கரன்சி அச்­ச­டிப்­பதை மெல்ல குறைத்து, அதற்கு ஈடாக, மின்­னணு பணப் பரி­வர்த்­த­னை­களை அதி­க­ரிக்­கும் திட்­ட­மும், அதில் அடங்­கும்.

மின்­னணு தொழில்­நுட்­பத்­தில், பணம் செலுத்­து­வது அதி­க­ரித்­தால், கரன்சி புழக்­க­மும், பயன்­பா­டும் ஓர­ளவு குறை­யும் என, எதிர்­பார்க்­கப்­ப­டு­கிறது. ஏற்­க­னவே, மத்­திய அர­சும், ரிசர்வ் வங்­கி­யும், ‘டெபிட், கிரெ­டிட் கார்டு, இ – வாலட்’ உள்­ளிட்ட, வலை­த­ளம் சார்ந்த பணப் பரி­வர்த்­த­னை­களை ஊக்­கு­வித்து வரு­கின்றன. இந்­நி­லை­யில், வலை­த­ளங்­களில் மட்­டும் புழங்­கும், ‘விர்ச்­சு­வல் கரன்சி’ எனப்­படும், மெய்­நி­கர் கரன்­சி­களை வெளி­யி­டு­வது குறித்­தும், ரிசர்வ் வங்கி பரி­சீ­லித்து வரு­கிறது.

இது குறித்து, ரிசர்வ் வங்கி செயல் இயக்­கு­னர், சுதா­க­ரன் சென் கூறி­ய­தா­வது: வலை­த­ளங்­களில், ‘பிட்­காய்ன், எரித்­ரியா’ போன்ற பல வகை­யான மெய்­நி­கர் கரன்­சி­கள் புழங்­கு­கின்றன. தனி­யார் வெளி­யி­டும் இந்த வகை கரன்­சி­க­ளுக்கு, சட்­ட­பூர்வ மதிப்பு கிடை­யாது. இந்த கரன்­சி­களின் பரி­வர்த்­த­னையை கட்­டுப்­ப­டுத்த, எந்­த­வொரு ஒழுங்­கு­முறை அமைப்­பும் இல்லை. இருந்த போதி­லும், சில ஆண்­டு­க­ளாக, வலை­த­ளங்­களில், ‘பிட்­காய்ன்’ போன்ற, அங்­கீ­கா­ர­மற்ற மின்­னணு கரன்­சி­களில் முத­லீடு செய்­வோர் எண்­ணிக்கை அதி­க­ரித்து வரு­கிறது.

‘இந்த கரன்­சி­களில் செய்­யும் முத­லீ­டு­கள், பரி­வர்த்­த­னை­கள் ஆகி­யவை ஆபத்­தா­னவை; எத்­த­கைய இடர்ப்­பாடு ஏற்­பட்­டா­லும், அது, இத்­த­கைய கரன்சி வர்த்­த­கத்­தில் ஈடு­ப­டு­வோ­ரையே சாரும்’ என, ரிசர்வ் வங்கி ஏற்­க­னவே எச்­ச­ரித்­துள்­ளது. அத­னால், ‘பிட்­காய்ன்’ போன்ற தனி­யார் கரன்­சி­களின் பாது­காப்­பற்ற பரி­வர்த்­த­னை­கள், நம் நாட்­டிற்கு ஏற்­ற­தல்ல.அதே சம­யம், சட்­ட­பூர்வ மதிப்­பு­டன், மின்­னணு கரன்­சி­களை வெளி­யி­டு­வது குறித்து, ரிசர்வ் வங்கி பரி­சீ­லித்து வரு­கிறது.

தற்­போ­தைய காகித கரன்­சி­க­ளுக்கு மாற்­றாக, மின்னணு கரன்சி வெளி­யி­டப்­படும் துவக்க நிலை­யில் உள்ள இத்­திட்­டத்­தின் சாதக, பாதக அம்­சங்­கள் குறித்து, ரிசர்வ் வங்கி தீவி­ர­மாக ஆராய்ந்து வரு­கிறது. இத்­திட்­டம் செயல்­பாட்­டிற்கு வரும்­பட்­சத்­தில், மின்­னணு கரன்சி பரி­வர்த்­த­னை­கள், மிகுந்த பாது­காப்பு அம்­சங்­களை கொண்­ட­தாக இருக்­கும். இவ்­வாறு அவர் கூறி­னார்.

2 மடங்கு உயர்வு:
ரிசர்வ் வங்கி, 2016 – 17 ஜூலை – ஜூன் வரை­யி­லான நிதி­யாண்­டில், கரன்சி நோட்­டு­களை அச்­ச­டிக்க, 7,965 கோடி ரூபாய் செல­விட்டு உள்­ளது. இது, முந்­தைய, 2015 – 16ம் நிதி­யாண்­டில் செல­விட்ட, 3,420 கோடி ரூபாயை விட, இரு மடங்கு அதி­கம்.

Advertisement
 
Outbrain

வாசகர் கருத்து

    முதல் நபராக கருத்து தெரிவியுங்கள்!

கருத்தைப் பதிவு செய்ய

Advertisement